लोक समाचारदाता
जनकपुरधाम, कात्तिक ६ गते ।
प्रदेश २ का मुख्यमन्त्री लालबाबु राउतले सबैको विकासका लागि हामीमा शद्धबुद्धि आओस आजको आवश्यकता रहेको बताएका छन् ।
बुधवार समाजवादी पार्टी नेपाल नगर समिति जनकपुरधामद्वारा दिपावली र छठ पर्वको अवसरमा आयोजित कार्यक्रमलाई सम्बोधन गर्दै मुख्यमन्त्री राउतले भने प्रदेशको समुचित विकासका लागि हामीमा शद्धबुद्धि आओस भन्ने आवश्यकता रहेको छ ।
उनले भने दलित, महिला, मुस्लिम, पिछडिएका सहित सीमान्कृत वर्गको विकास र समुचित अवसरका लागि हामीलाई यस शुभ अवसरमा यस्ता पर्व त्योहारले शध्दबुध्दि देओस आजको आवश्यकता रहेको छ ।
साथै उनले प्रदेश सरकार आफ्नो तर्फबाट विभिन्न कानून र योजना ल्याई अघि सारेर सबैको विकासका लागि कदम चालिसकेको दाबी गरे । उनले भने हामीले दलित, मुस्लिम र महिलाको अधिकारका लागि कानून निर्माण गरिसकेका छौ र उनीहरुको समान अवसरका लागि कानूनमै व्यवस्था गरिसकेको छु ।
नगर समितिका अध्यक्ष विष्णुदेव साहको अध्यक्षतामा सम्पन्न सो कार्यक्रममा आन्तरिक मामिला तथा कानून मन्त्री ज्ञानेन्द्र यादव, प्रदेश सभा सदस्य रामआशिष यादव, नेता डा. रामस्वार्थ र उमेश साह लगायतका नेताहरुले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !