ताकेता गर्ने मनोजलाई गोली हानी हत्या, आरोपित हतियार सहित पक्राउ

लोक समाचारदाता
जनकपुरधाम, कात्तिक ६ गते ।
बक्यौता रहेको रकमको ताकेता गर्दा जनकपुरधाममा एक व्यवसायीलाई ज्यानै गुमाउनु परेको छ ।
बुधवार जनकपुरधाम २ वकिल टोली निवासी शिव आयल निगमका संचालनक मनोज साहले बक्यौता रहेको रकमको ताकेता गर्दा उनलाई गोली हानी हत्या गरिएको छ ।
प्राप्त जानकारी अनुसार साहलाई निर्माण व्यवसायी पंकज भनिने शंकर चौधरीले गोली हानी हत्या गरेका हुन । हत्या आरोपमा धनुषा प्रहरीले उनलाई घटना लगतै पक्राउ गरेका छन । गोली हानेर लुक्न भागि रहेको क्रममा नजिकै रहेका घरबाट पक्राउ गरिएको बुझिएको छ ।

बिहान करीब १० बजेको समयमा जनकपुरधाम उपमहानगरपालिका १४ मुजेलिया निवासी ठेकेदार चौधरीले साहलाई डिजल वापतको बक्यतौता रकम मांग्न आएको बेलामा घरमै गोली हानेका छन् । स्थानीयका अनुसार करीब आधा घण्टासम्म पंकजको घरमा दुवैबीच विवाद भइरहेको थियो । एक्कासी गोली चलेको आवाज आयो, स्थानीयहरु घटनास्थलमा पुग्दा मनोज गोली लागेर ढलेको थियो ।
मनोजका पारिवारिक श्रोतका अनुसार पंकजले आयल निगमबाट डिजेल लिएको र केही नगद ऋण लिएको रकम बांकी महिनौदेखि ताकेता गर्दै हामीले गर्दै आएका थियौं । आज बिहान पंकजले पैसा लिन आउ भनी घरमा बोलाएको थियो र सोही क्रममा घटना घटाएको हो ।

घटना पश्चात मृतक मनोजलाई पोष्टमार्टमका लागि प्रादेशिक अस्पताल जनकपुरधाम पठाइएको छ । अस्पताल श्रोतका अनुसार मनोजको छातीमा दुई गोली हानिएको छ । चिकित्सकका अनुसार हर्टमै गोली लागेको कारण तत्काल नै मृत्यु हुन गएको हो ।
यता मनोजको पारिवारिक अवस्था शोकले स्तब्द भएको छ । अस्पतालमा मनोजका सम्पूर्ण परिवार पुगेका छन । उनीहरुलाई गोली हान्ने पंकजलाई कडा भन्दा कडा कारवाही गर्न मांग गरेको छन । घटना पश्चात जनकपुरधाम उपमहानगरपालिकाका मेयर लालकिशोर साह पनि पिडीतलाई सान्तवाँ दिन र घटना बारे जानकारी लिन प्रादेशिक अस्पताल पुगेका थिए ।

प्रहरी नियन्त्रणमा रहेका पंकजको साथबाट प्रहरीले एक थान अटोमेटिक पेस्तौल र त्यसमा लाग्ने गोली १९ थान र एक थान नलकटुवा पिस्तौल र त्यसमा लाग्ने तीन राउण्ड गोली समेत बरामद गरेको जिल्ला प्रहरी कार्यालय धनुषाले जनाएको छ ।