प्रजिअका लागि संघीय र प्रदेश २ सरकारबीच टसल बढयो

जनकपुरधाम, वैशाख १४ गते ।
प्रमुख जिल्ला अधिकारीको विषयलाई लिएर प्रदेश २ सरकार र संघीय सरकारबीच टसल बढेको छ । जिल्ला स्थित प्रमुख जिल्ला अधिकारी प्रदेशको मातहतमा हुनुपर्ने पटक पटक आवाज उठाउंदै आएका प्रदेश २ सरकारले आफ्नै प्रशासन अधिकृत राख्ने प्रक्रिया अघि बढाएपछि संघीय सरकारले प्रदेशले सामानन्तर अधिकारी राख्न नपाउने चेतावनी दिएका छ्न ।
शनिवार संघीय सरकारको गृहमन्त्रालयद्वारा आयोजित दुई दिने सुरक्षा गोष्ठीलाई सम्बोधन गर्दै गृहमन्त्री बादलले प्रमुख जिल्ला अधिकारी संघीय सरकारको प्रतिनिधि हुनेछ र उनको दोहरो भूमिका हुने बताउंदै प्रदेश सरकारले आफ्नै समानन्तर अधिकारी राख्न नपाउने भने ।
उनले भने दोहरो प्रमुख जिल्ला अधिकारी राख्ने संविधानमा प्रावधान छैन, तर प्रदेश २ सरकारले कसरी राख्न गइरहेको छ भन्ने कुरा बारे आफूलाई कुनै जानकारी छैन ।
संचारकर्मीहरुको जिज्ञासामा गृहमन्त्री बादलले भने प्रदेशको सुशासन र शान्ति सुरक्षाको अधिकार आफू संघीय सरकारले खोसेको छैन, प्रदेशका आफ्नै छुट्टै प्रदेश प्रहरी हुन्छ र यहाँका एसपीदेखि तल सबै सुरक्षा व्यवस्था प्रदेश सरकारकै मातहत हुनेछ ।
साथै उनले अपराधिक गतिविधि गर्ने सबैलाई मूलधारमा ल्याउने काम तिव्रगतिमा भइरहेको कारण देशमा सुशासन र शान्ति सुरक्षाले एकवर्ष भित्र महत्वपूर्ण उपलब्धी हासिल गरेको दाबी गरे । उनले भने अपराधिक गतिविधि गर्ने विप्लव समूहलाई निस्तेज पार्न सरकार अघि सकेको र वार्तामा आउन आग्रह गरिरहेको छ, वार्तामा नआए सरकार आफ्नै तरिकाले अघि बढने बताए ।
गृह सचिव प्रेमकुमार राईको अध्यक्षतामा भएको सो कार्यक्रममा नेपाल प्रहरीका आईजीपी सर्वेन्द्र खनाल, सशस्त्र प्रहरीका शैलेन्द्र खनाल, राष्ट्रिय अनुसन्धानका गणेश अधिकारी, नेपाली सेनाका नरेशचन्द भट्ट लगायतका सुरक्षा निकायका उच्च अधिकारीको उपस्थिति रहेको छ ।
शुक्रवारदेखि शुरु भएको सो सुरक्षा समितिको प्रदेशस्तरीय आन्तरिक सुरक्षा गोष्ठीमा प्रदेश २ का ८ वटै जिल्लाका प्रमुख जिल्ला अधिकारी, नेपाल तथा शसस्त्र प्रहरीका प्रमुख, नेपाली सेनाका प्रमुख, राष्ट्रिय अनुसन्धानका प्रमुख लगायतका व्यक्तिहरुको सहभागिता रहेको छ ।