उपमहानगरपालिकाले कानून मिचेर जग्गा अधिग्रहण गर्न खोजेको आरोप

जनकपुरधाम, वैशाख १४ गते ।
जनकपुरधाम उपमहानगरपालिकाले सडक निर्माणको क्रममा कानून मिचेर बलपुर्वक जग्गा अधिग्रहण गर्न खोजेको हलुवाई सेवा समितिले आरोप लगाएका छन् ।
शनिवार एक पत्रकार सम्मेलन आयोजना समितिका महासचिव हरिनारायण गुप्ताले विकास निर्माणको विरोधी हामी छैनौ, तर उपमहानगरपालिकाले मापदण्ड विपरित बलपुर्वक जग्गा अधिग्रहण खोजेको आरोप लगाए ।
उनले भने साबिकमा ३३ फिट रहेको बाटोमा ४२ फिट बाटो बनाइयो, तर गंगा सागरको डिलमा रहेको धर्मसंस्थालाई बचाउन समिति संगै अन्य व्यक्तिको निजी जग्गा अधिग्रहण गरेर उपमहानगरपालिकाले अतिक्रमण गर्न खाजेको छ ।
पुनरावेदन अदालतले समेत बाटोको बिच सेन्टरबाट दुवैतर्फ जग्गा अधिग्रहण गर्न आदेश जारी गरिसकेको छ । तर अदालतको आदेशको अव्हेलना गर्दै उपमहानगरपालिका बलपुर्वक घर तोडन लगाएको समेत गुप्ताले भने ।
पत्रकार सम्मेलनमा सहभागी संदीपकुमार साहले भने वास्तविक नापीमा शिव मन्दिरको जग्गा पनि जान्छ तर आफूले मन्दिरलाई बचाउन आफ्नै जग्गा दिएर, तर पनि उपमहामनगरपालिकाले आफूलाई उठिबास बनाउन नक्सा र मापदण्डविपरित जग्गा अधिग्रहण गर्न खोजेको आरोप लगाए ।
शिव चौकदेखि गंगा सागरको पुर्वडिलसम्मको बाटोमा २ वटा नक्सा रहेको पत्रकारहरुको जिज्ञासामा पछिल्लो ०४८ सालकै नक्सालाई नापी शाखा र अदालतले आधार मानेको छ । तर पनि केही व्यक्तिको उक्साहटमा धर्मसंस्थालाई बचाउन उपमहानगरपालिका प्रतिनिधिले आफूहरुको निजी जग्गा अतिक्रमण गर्न खोजेको पत्रकार सम्मेलनमा सहभागी समितिका पदाधिकारी र पिडीतहरुले दुखेसो पोखे ।
जग्गा अधिग्रहणकै विवादका कारण एडीबीको अनुदानमा निर्माण भइरहेको सडकको क्रममा सो रुटको सडक अहिलेसम्म निर्माण हुन सकेको छैन ।