जनकपुरधाम, वैशाख १२ गते ।
चिया पसलेको हत्या गरेको आरोपमा सिरहा प्रहरीले एकजनालाई पक्राउ गरेको छ ।
प्रहरीले सिरहाको लहान नगरपालिका ९ गोठटोलका चिया पसले रत्नबहादुर तामांगको हत्या गरेको आरोपमा सप्तरीको राजविराज नगरपालिका ३ का ज्ञानबहादुर थापा मगरलाई पक्राउ गरेको जनाइएको छ ।
प्रहरीले आरोपित थापामगरलाई जिल्लाको धनगढीमाई नगरपालिका १० स्थित राममन्दीर परिसरबाट पक्राउ परेका गरेको छ । पक्राउ परेका थापामगर विरुद्ध इलाका प्रहरी कार्यालय लहानले कर्तव्य ज्यान मुद्दा अन्तर्गत अनुसन्धान प्रक्रिया अघि बढाएको जिल्ला प्रहरी कार्यालय सिरहाका प्रहरी उपरिक्षक जीवनकुमार श्रेष्ठले बताएका छ्न ।
सापटी लिएको रकम फिर्ता नदिएको निहुँ थापामगरले तामाङको हत्या गरिएको प्रारम्भिक अनुसन्धानमा खुलेको प्रहरी उपरिक्षक श्रेष्ठले बताएका छ्न ।
धारिलो हतियार प्रहार गरी हत्या गरिएको तामाङको शव गत शनिबार लहान नगरपालिका १७ स्थित गोबिन्दपुर गढीको किनारमा फेला परेको थियो ।
चिया पसलेको हत्या आरोपमा एक पक्राउ
नोट: लोकपुकार डटकममा प्रकाशित कुनैपनि सामाग्री बिना इजाजत लिई हुबहु वा आंशिक रुपमा कपी गरी प्रकाशन गरे विद्युतिय ऐन बमोजिम दण्डनीय अपराध मानिनेछ । यस किसिमको कार्य गरेको पाइएमा सम्बन्धित संचार माध्यम विरुद्ध हामी कानूनी उपचार खोज्न बाध्य हुनेछौ भनी सचेत गराउन चाहन्छौं ।
नेपाली, मैथिली र हिन्दी भाषाको यो देशकै पहिलो त्रैभाषिक डिजिटल पत्रिका हो । तपाईको सरोकार र चासोको विषयलाई समेटेर समाचारको रुपमा पस्किन लोकपुकार डटकम निरन्तर तयार रहनेछ ।….. विस्तृत
यो विषयमा आफ्नो प्रतिक्रिया दिनुहोस् !