जनकपुरधाम । अन्तराष्ट्रिय स्तरको विद्युतीय स्कुटर ‘याडिया’को आधिकारिक शोरूम जनकपुरधाममा पनि सञ्चालनमा आएको छ ।
याडिया ब्रान्डका विद्युतीय स्कुटर बिक्री गर्ने उद्देश्यले जनकपुरधामको थापा चौकमा नारायणी इलेक्ट्रिक ग्रीन अटो इण्डिस्ट्रीजले सञ्चालनमा ल्याएका हाे ।
मधेश प्रदेश सभाका सभामुख रामआशिष यादव र जनकपुरधाम उद्योग वाणिज्य संघका अध्यक्ष सुरेन्द्र भण्डारीले एक कार्यक्रमका बीच उद्घाटन गरेका हुन् ।
उक्त शो रुममा याडिया ब्रान्डका विभिन्न मोडलका स्कुटर ल्याएको छ । जसको मूल्य २ लाख ५ हजारदेखि ६ लाख ६० हजार रुपैयासम्म रहेको जनाइएको छ ।
पछिल्लो समय विद्युतीय सवारीसाधनमा ग्राहकको आकर्षण बढेकाले आफूहरुले विद्युतीय स्कुटरको व्यवसाय गर्न लागेको शो रुमकी सञ्तालिका सुमन नेवकटियाले बताएकी छिन् । फाइनान्स, इएमआई, कैस १० हजार रूपैया छुटकाे व्यवस्था हाल उक्त शाेरूममा रहेकाे जनाइएकाे ।
उक्त शो रुममा याडिया कम्पनीका जीएस ७०, जी टी ७०, जीटी ८०, किनिज भेलक्स लगायतका विभिन्न मोडलका स्कूटर र मोटरसाइकल हाल उपलब्ध रहेको सञ्चालिका सुमनले बताईन ।
दैनिक सहरी यात्राका लागि लक्षित जीएस ७० मा २.१ किलोवाट-घण्टा (kWh) क्षमताको LFP ब्याट्री र २.८ किलोवाट (kW) पीक मोटर रहेको छ । कम्पनीका अनुसार यसले एकपटकको पूर्ण चार्जमा अधिकतम १०५ किलोमिटरसम्म रेन्ज दिनेछ ।
लामो दूरी यात्रा गर्ने प्रयोगकर्तालाई लक्षित जीटी ७० मा ५.७ kWh क्षमताको डुअल LFP ब्याट्री प्रणाली जडान गरिएको छ । यसमा ३.६ kWh फिक्स्ड र २.१ kWh रिमुभेबल ब्याट्री रहेका छन् । ३.७ kW पीक मोटर रहेको यो स्कुटरमा एकपटकको चार्जमा २२० किलोमिटरसम्म यात्रा गर्न सकिने कम्पनीको दाबी छ ।
त्यस्तै, जीटी ८० मा ३.६ kWh लिथियम ब्याट्री र ५ kW पीक मोटर जडान गरिएको छ । यो स्कुटरको अधिकतम गति ८० किलोमिटर प्रतिघण्टा रहेको छ भने एकपटकको चार्जमा १५० किलोमिटरसम्म यात्रा गर्न सकिने कम्पनीकाे भनाई छ ।
यी मोडेलहरूमा ब्लुटुथ कनेक्टिभिटी, टीएफटी स्मार्ट डिस्प्ले, मोबाइल नेभिगेसन मिररिङ, याडिया स्मार्ट एप, पाँचजनासम्म प्रयोग गर्न मिल्ने फ्यामिली सेयरिङ सुविधा तथा स्मार्ट कीलेस प्रणाली उपलब्ध छन् ।
सुरक्षाका लागि ट्र्याक्सन कन्ट्रोल सिस्टम, क्रुज कन्ट्रोल, हिल होल्ड कन्ट्रोल, हिल डिसेन्ट कन्ट्रोल तथा डुअल डिस्क ब्रेकिङ सिस्टम जस्ता फिचर पनि समावेश गरिएको कम्पनीले जनाएको छ ।
कम्पनीले तीन वटै मोडेलमा ३ वर्ष वा ५० हजार किलोमिटरसम्मको ब्याट्री वारेन्टी उपलब्ध गराउने जनाएको छ ।
यो विषयमा आफ्नो प्रतिक्रिया दिनुहोस् !