जनकपुरधाम । धनुषाको सपही स्थित मनोरञ्जनको आकर्षक केन्द्रका रूपमा उभिँदै आएको जानकी फन पार्क एण्ड रिसोर्ट प्रा.लि. ले आफ्ना सेवाहरू थप विस्तार गरेको छ ।
धनुषाको क्षिरेश्वरनाथ नगरपालिका–१, रमदैयामा अवस्थित यस रिसोर्टले वैशाख ७ गतेदेखि ‘बगैंचा’ नामक नयाँ सेवा औपचारिक रूपमा सञ्चालनमा ल्याइनेछ ।
फन पार्क मैनेजिङ्ग डाइरेक्टरले गुड्डु जैनका अनुसार नयाँ सेवाअन्तर्गत ठूलो क्षमताको रेस्टुरेन्ट, आधुनिक सुविधा सम्पन्न मिटिङ हल, विभिन्न कार्यक्रमका लागि उपयुक्त ब्यांकेट हल, बालबालिकाका लागि विशेष किड्स प्ले जोन तथा खुला वातावरणमा रमाउन सकिने ओपन लाउन्ज उपलब्ध गराइएको छ।
यसअघि नै रिसोर्टले ‘वन्डर ल्याण्ड वाटर पार्क’ सञ्चालन गर्दै आएको छ, जसले बालबालिका, युवा र पर्यटकहरूलाई सुरक्षित र मनोरञ्जनपूर्ण अनुभव प्रदान गर्दै आएको छ।
जनकपुरधाम क्षेत्र आन्तरिक तथा बाह्य पर्यटकका लागि लोकप्रिय बन्दै गएको सन्दर्भमा सेवाको दायरा विस्तार गरिएको जैनले बताए।
खानपान सेवामा थकाली, भारतीय र कन्टिनेन्टल परिकारसँगै मिथिला क्षेत्रको परम्परागत स्वाद झल्काउने ‘मिथिला थाली’ पनि समावेश गरिएको छ। साथै, हरियाली वातावरणमा बसेर भोजनको आनन्द लिन सकिने गार्डेन रेस्टुरेन्टको सुविधा समेत थपिएको छ ।
यो विषयमा आफ्नो प्रतिक्रिया दिनुहोस् !