जनकपुरधाम । नेपाल रेडक्रस सोसाइटी एक सामाजिक सहयाेगी संस्था हाे । यसलाई दलीयकरण सदस्यता वितरण अभियान वितरणमा अनियमितता भइरहेको बुझिएकाे छ । केन्द्रिय अध्यक्ष विनोद शर्माकै मिलेमतोमा विधान र मापदण्ड विपरित सदस्यता भराउने कार्य भइरहेको बुझिएकाे हो ।
नेपाल रेडक्रस सोसाइटीले लामो समयदेखि सदस्यता वितरण रोकेर राखेको आरोप लागिरहेको बेला गत फागुन २५ गतेदेखि चैत २४ गतेसम्म एक महिने सदस्यता अभियान जारी खाेलेका छन् ।
रेडक्रसमाथि दलीय प्रभावमा पार्न अहिले विभिन्न दलका नेताहरु कार्यकर्ताहरुले मापदण्ड र विधान विपरित आ आफ्ना मान्छेको फारम भराई एकमुष्टै केन्द्रिय कार्यालयमा बुझाउने गरेको बुझिएको बताइएकाे छ ।
रेडक्रसले अहिले उपशाखा, शाखा र केन्द्रिय कार्यालयसहित अनलाईन फारम भर्ने काम भइरहेको छ । त्यसमा प्रमुख प्रावधान सदस्यता लिने जुनसुकै नेपाली नागरिकले आफै उपस्थित फारम लिएर बुझाउने विधान बमोजिम मापदण्ड बनाइएको छ । तर केन्द्रिय अध्यक्ष शर्माकै निर्देशनमा धनुषा जिल्लामा विभिन्न राजनीतिक दलका कार्यकर्ताहरुमा एकमुष्टै फारम वितरण र बुझ्ने कार्य गरिरहेको रेडक्रसका पदाधिकारीहरुको भनाई छ ।
केही समयतादेखि रेडक्रस धनुषा शाखाकाे सम्पति र आम्दानीमा आँखा लगाएका केही गैर रेडक्रसकर्मीले शाखा कार्यालय धनुषामा दलीयकरण व्यवस्था मार्फत आफू कायम हुने इच्छाले विभिन्न दलका नेता कार्यकर्ताहरु प्रत्यक्ष रुपमै रेडक्रस हस्तक्षेप गरी विवाद गर्दै आएको छ । ती व्यक्तिहरुको नेतृत्वमा एकमुष्टै फारम वितरण र संकलन गरी शाखा कार्यालयसँग कुनै समन्वय नै नगरी केन्द्रिय अध्यक्ष कहाँ नै फारम पठाइरहेको आरोप लागिरहेको छ ।
यस आरोप बारे अध्यक्ष शर्मासँग बुझ्न खोज्दा कुरा गर्न चाहेनन् । सदस्यता वितरण जारी रहेको बारे जानकारी दिए । सदस्तता पारदर्शी र विवदरहित बनाउन अनलाईन सिस्टम समेत लागू गरिएकाे बताए ।
तर एकमुष्टै फारम वितरण संकलन कार्य भइरहेको जिज्ञासा राख्दा उनले मलाई थाहा छैन भनेर केही जवाफ नदिई मोबाइल फोन नै काटे । पछि कयौं पटक प्रयास गर्दा उनले फोन रिसिभ नगरी पछि कुरा गर्ने भनी म्यासेज पठाइरहेका छन् । उनको यो हर्कतले उनीमाथि लागि रहेको आरोप साँचिकै हो भने पुष्टि हुन्छ ।
यस सम्बन्धमा महासचिव मीनबहादुर मल्लले सदस्यता वितरणमा इच्छुक व्यक्ति स्वयं उपस्थित भएर फारम भर्ने र भरिसकेका फारम शुल्क वा बैंक भाउचर सहित आफै बुझाउने विधान अनुसार मापदण्ड रहेको छ । तर कसैले एकमुष्टै फारम लिने वा संकलन गरेर बुझाउने कार्य हुँदैन । यस्तो यदि भइरहेको छ भने त्यो गलत, यस बारे आफू बुझ्छु ।
धनुषा शाखाको कुनै समय सभापति रहिसकेका केन्द्रिय सभापति विनोद शर्मा आफ्नो जिल्ला कार्यालमा केही व्यक्तिसँग भएको रिसइवीको कारण शाखालाई नै विवादित बनाउन खोजेको आरोप लाग्दै आएको छ ।
उनले आफ्नो मान्छेको नेतृत्व नयाँ कार्यसमिति बनाउने उद्देश्यले विधान र मापदण्ड विपरितको कुरामा लागेको आरोप लाग्न थालेको छ । अहिले धनुषा शाखाकाे अध्यक्षका दावेदारहरू सयाैंकाे संख्यामा आफ्नै् खर्चमा फारम भराइरहेकाे श्राेतकाे दाबी छ । विगतमा आँखा अस्पतालमा विवाद गराउनेहरू मध्येका कांग्रेस र एमाले नेताहरू अध्यक्षका दावेदार छन् भने रास्वपा टीम पनि सक्रिय देखिएका छन् ।
यो विषयमा आफ्नो प्रतिक्रिया दिनुहोस् !