जनकपुरधाम । नेपाल रेडक्रस सोसाइटीले सदस्यता वितरण अभियान जारी रहेको छ । रेडक्रसको देशभरका जिल्ला शाखामार्फत सदस्यता फारम वितरण भइरहेको छ भने अनलाईन फारम भर्न सक्ने व्यवस्था समेत गरिएको छ ।
गत फागुन २५ गतेदेखि शुरु भएको एक महिने सदस्यता वितरण चैत २४ गतेसम्म चल्नेछ । थालनी भएको सदस्यता वितरण अभियान यही चैत्र २४ गतेसम्म जारी रहने छ । केन्द्रिय निर्देशन अनुसार धनुषा जिल्ला स्थित रेडक्रस सोसाइटीको कार्यालयबाट समेत फारम भराई रहेछ ।
नेपाल रेडक्रस सोसाइटी धनुषाका सभापति नरेशप्रसाद सिंहले भने ‘नेपाली नागरिकहरुका लागि रेडक्रसले सदस्यता वितरण अभियान संचालन गरेको हो । जस अन्तर्गत धनुषास्थित यस कार्यालयमा र अनलाईन समेत फारम भर्ने व्यवस्था गरिएको छ ।
रेडक्रस अभियानका सिद्धान्त, मूल्य मान्यता, र आदर्शलाई आत्मसात् गर्दै विधानमा उल्लेखित प्रक्रिया र तोकिएको शुल्क बुझाई सदस्यता लिन इच्छुक व्यक्तिहरूले आफूलाई पायकपर्ने पालिका तहमा पालिका शाखा, जिल्ला तहमा जिल्ला शाखाका अतिरिक्त प्रदेश तहमा प्रदेश कार्यालय र केन्द्रीय तहमा केन्द्रीय कार्यालयबाट समेत सदस्यता फारम भर्ने सक्नेछ ।
उनले थप्दै भने पारदर्शी ढंगले सदस्य वितरण भइरहेपनि केही गलत मानसिकता बोकेका व्यक्तिहरुले संस्थालाई बदनाम गर्ने गरी सदस्यता वितरण रोकेको भनी धनुषा शाखा विरुद्ध जिल्ला प्रशासन कार्यालयमा निवेदन दिएका छन् । निवेदन दिने व्यक्ति पहिला नै सदस्यता प्राप्त गरिसकेपनि फर्जी नाम र डकुमेन्टको आधारमा फारम भर्न नदिएको भनी गुनासो गरेका छन् ।
रेडक्रसलाई ध्वस्त पार्ने मानसिकता बोकेका व्यक्तिहरुबाट सचेत रहन उनले आग्रह गरेका छन् । सभापति सिंहले भने विधि प्रक्रिया पुरा गरी आएका कसैलाई यस शाखा वा अन्य कुनै उपशाखा वा पालिकामा रोकिएको छैन । अनलाईनबाट समेत फारम भराई रहेको छ घरबाट समेत फारम भर्न सक्छन । यस्तो मैले रोकेको भन्ने त कुरै आएन ।
रेडक्रस धनुषा शाखालाई विवादित बनाएर आफ्नो अधिपत्व जमाउन केही व्यक्तिहरु शुरुदेखि नै अनाहक रुपमा विवाद गर्दै आएको छ । यस्ता नकारात्मक गतिविधि लाई केन्द्रिय अध्यक्ष विनोद शर्मा समेत ले निरुत्साहित न गर्नु रेडक्रॉस भावना विपरित र अत्यन्त दुखद रहे को कुरा आम चर्चा को विषय छ ।
जिलाका पूर्व सभापति समेत रहिसकेका शर्मा आफै हाल पनि धनुषा शाखाका सदस्य छन् । आफ्ना व्यक्तिगत धारणा र निहित स्वार्थका कारण केन्द्रीय सभापति शर्माले धनुषा शाखालाई विवादित बनाउन रेडक्रसका सदस्य समेत न रहेक़ो र रेडक्रस गतिविधिको विरोधी रहेका व्यक्तिहरुलाई रेडक्रसको कार्यक्रममा आतिथ्य गराउने गरेकाले धनुषा शाखाप्रति उनको सकारात्मक सोच नरहेको देखिन्छ ।
सभापति सिंह नेतृत्वदेखि फड्काे
वि.सं. २०२६ सालमा धनुषामा स्थापित रेडक्रस सोसाइटी देशमा प्रजातन्त्र बहाली २०४७ सम्म गोजीको संस्था बनाएर राखिएको थियो । २१ वर्षसम्म व्यवस्थित कार्यालयसम्म बनाउन नसकेको र अत्यन्त जटिल विवादग्रस्त अवस्थामा २०४७ पछि डा. विजयकुमार सिंहको सभापतित्वमा गठित तदर्थ समितिदेखि यता रेडक्रस धनुषा शाखा लाई व्यवस्थित गरेको र तत्पश्चात मात्र जिला मा रेडक्रास गतिविधि ले फड्को मारेको हो ।
अहिले धनुषा शाखा सुविधा सम्पन्न कार्यालय स्थापना गरी पालिकास्तरीय शाखा कार्यालय र आँखा उपचार सेवा वृहत रुमपा विस्तार गर्न सफल भएको देखिन्छ । रेडक्रस धनुषा शाखाले जनकपुरधाममै मात्रै आफ्ना ८ वटा भवन बनाउन सफल भएका छन् ।
जनकपुरधाम स्थित आँखा अस्पतालको सेवा सुविधा विस्तार सुव्यस्थित ढंगले संचालन गर्न महत्वपूर्ण भूमिका निर्वाह गर्दै आएका छन् । कुनै समय बिरामी खोज्नुपर्ने अवस्था रहेकोमा अहिले वर्षेणी नेपाल र भारत सहितका हजारौं आँखा बिरामीलाई सेवा दिदैं आइरहेका छन् ।
यसका साथै कार्यालय भवनमै रक्त सञ्चार सेवा, एम्बुलेन्स सेवा संचालन सहित विपद् व्यवस्थापनमा ठूलो भूमिका निर्वाह गर्दै आएका छन् । बाढी, आगलागी र भूकम्प लगायतका घटनामा विपतमा परेका व्यक्तिहरुलाई राहत र उद्धार लगायतका कार्यमा जिल्लास्थित रेडक्रसकर्मी ज्यानसम्मको परवाह नगरी ठूलो भूमिका निर्वाह गर्दै आएका छन् ।
यस शाखाले धनुषा मात्र नभई महोत्तरी, सर्लाही र सिन्धुलीमा समेत आँखा उपचार सेवा प्रदान गर्दै आएको छ । सभापति सिंहका अनुसार धनुषा शाखाद्वारा धनुषाको लालगढ, सर्लाहीको लालबन्दी, महोत्तरीको जलेश्वर, धनुषाको यदुकोहा, सबैला, गोदार र लालगढमा आँखा उपचार सेवा संचालन गर्दै आएका छन् ।
यो विषयमा आफ्नो प्रतिक्रिया दिनुहोस् !