जनकपुरधाम । धनुषाको लालगढमा घुस लिएको आरोपमा सशस्त्र प्रहरीका इन्सपेक्टर ओकिल अधिकारी पक्राउ परेका छन् ।
अख्तियार दुरुपयोग अनुसन्धान आयोगको क्षेत्रीय कार्यालय बर्दिबासबाट खटिएको टोलीले घुसकाे रकम सहित बिहीवार बिहान पकणराउ गरेकाे हाे ।
आयोग सुचना अधिकारी प्रकाश पाेखरेलले दिएकाे जानकारी अनुसार कमला–ढल्केवर–बाग्मती सडक निर्माण ठेकेदारसंग विभिन्न बहानामा रकम असुल्ने गरेकाे गुनासाे आएपछि निगरानी बढाएपछि घुस रकमसहित उनी पक्राउ परेकाे हाे ।
उनका अनुसार निर्माण भइरहेकाे सडक खण्डमा माटो तथा ग्राभेल फिलिङ कार्यमा संलग्न सवारी साधनहरू याे मिलेन, त्याे मिलेन भनी काममा अनावश्यक अवरोध सिर्जना गर्ने र रकम माग्ने गरेको गुनासो प्राप्त भएपछि स्ट्रिङ्ग अपरेशन अन्तर्गत पक्राउ गरिएकाे हाे ।
आराेपितलाई नियन्त्रणमा लिई घटनाबारे थप अनुसन्धान भइरहेको आयोगले जनाएको छ।
यो विषयमा आफ्नो प्रतिक्रिया दिनुहोस् !