जनकपुरधाम, फागुन १६ गते । चुनाव नजिकदैं जाँदा नेपाली कांग्रेसमा प्रवेश गर्ने लहर फैलिएको छ । उम्मेदवारी दर्ता यतादेखि धनुषा क्षेत्र नम्बर ४ मा विभिन्न पार्टी परित्याग हजारौ नेता कार्यकर्ताहरु नेपाली कांग्रेसमा प्रवेश गरेका छन् ।
शनिवार समेत राष्ट्रिय मुक्ति पार्टी नेपालका दर्जनौ नेता कार्यकर्ता नेपाली कांग्रेसमा प्रवेश गरेका हुन् । पार्टीका पूर्व सहमहामन्त्री एवं धनुषाका ४ का प्रतिनिधि सभा सदस्य पदका उम्मेदवार महेन्द्र यादवले नवप्रवेशीहरुलई फुलमाला टिका र दोसल्ला ओढाई पार्टीमा स्वागत गरेका छन् ।
मधेस प्रदेश सरकारका पूर्व मन्त्री प्रदेश सांसद शेष नारायण यादवको विशेष उपस्थितिमा सम्पन्न सो पार्टी प्रवेश कार्यक्रममा राष्ट्रिय मुक्ति पार्टी नेपालका उम्मेदवार महावीर यादवको नेतृत्वमा ती पार्टीका नेता कार्यकर्ता औपचारिक रुपमा पार्टी प्रवेश गरेका हुन ।
राष्ट्रिय मुक्ती पार्टी नेपालका केन्द्रीय सदस्य तथा राजनीतिक समिति सदस्य विजय कुमार यादव, जगदीश यादव, विवेक यादव, राम ईश्वर मण्डल, सुजित यादव, विजय यादव, उदय महरा, अजय यादव, रबिन यादव, इन्द्रजित यादव, वसन्त यादव, रामजी यादव, डा. सोगारथ दास, अर्जुन यादव, ज्ञानकला यादव, रेखा यादव लगायत दुई दर्जनभन्दा बढी नेता तथा कार्यकर्ताहरूले नेपाली कांग्रेसमा प्रवेश गरेको हो ।
यसैबीच धनुषा क्षेत्र नम्बर ३ समेत राष्ट्रिय मुक्ति पार्टी नेपालका राजु चौधरीको नेतृत्वमा समेत दर्जनौ नेता कार्यकर्ताहरु कांग्रेसमा प्रवेश गरेका हुन । ती नवप्रवशीहरुलाई उम्मेदवार एवं पार्टी पूर्व उपसभापति विमलेन्द्र निधिले स्वागत गर्दै पार्टी प्रवेश गराएका हुन ।
यो विषयमा आफ्नो प्रतिक्रिया दिनुहोस् !