जनकपुरधाम, फागुन १६ गते । आसन्न प्रतिनिधि सभा सदस्य निर्वाचनका लागि धनुषा ३ बाट राष्ट्रिय स्वतन्त्र पार्टी (रास्वपा) का उम्मेदवार मनिष झाले आफ्नो चुनावी प्रचार प्रसार घरदैलो अभियान र बैठक संवाद कार्यक्रमलाई तिव्रता दिएका छन् ।
यसैक्रममा शनिवार जनकपुरधाम उप–महानगरपालिका वडा नं. ५ र ६ सोनरपट्टीसहित वडा नम्बर २४ बसहियामा घरदैलो सहित भेटघाट संवाद कार्यक्रम सम्पन्न गरेको छ । झाले घरदैलो अभियानको क्रममा मतदाताहरुको पसल र घरमै पुगी मत माग्दै स्थानीय समस्या बारे मतदातासँग प्रत्यक्ष संवाद नै गरेका छन् ।
यो सँगै धनौजी गाउँपालिकाका विभिन्न वडामा घरदैलो कार्यक्रम सम्पन्न गरेका छन् भने जनकपुरधाम ७ स्थित राजर्षि जनक पतञ्जली योग साधना केन्द्रद्वारा आयोजित होली मिलन समारोह कार्यक्रममा समेत सहभागी भई स्थानीय मतदाताबीच पुगेका छन । आइतवार मुखियापट्टी गाउँपालिका र नगराईन नगरपालिकामा घरदैलो कार्यक्रम गरिनेछ ।
घरदैलो तथा पार्टी प्रवेश कार्यक्रममा बोल्दै झाले धनुषा–३ लाई राजनीतिक परिवर्तनको ऐतिहासिक आधारभूमि बनाउने लक्ष्यसहित अभियान अघि बढाइएको बताए । धनौजीमा आयोजित कार्यक्रममा उनले अबको राजनीति पद र पैसाभन्दा विचार र नयाँ पुस्ताको नेतृत्वमा आधारित हुनुपर्ने धारणा राखेका थिए ।
स्थानीय मतदाताले राखेको गुणस्तरीय शिक्षा, सुविधा सम्पन्न अस्पताल, निशुल्क उपचार, जीर्ण सडक, बेरोजगारी र युवापलायनका समस्या बारे झाले ती सबै समस्या प्राथमिकतामा राखेर काम गर्ने प्रतिबद्धता जनाएका थिए ।
साथै उनले सुशासन, पारदर्शिता र परिणाममुखी कार्यशैलीलाई मुख्य एजेण्डा बनाइने उल्लेख गर्दै युवालाई स्वदेशमै अवसर सिर्जना गर्ने वातावरण तयार गर्ने आफनो योजना रहेको बताए ।
सामुदायिक विद्यालयको शिक्षा सहित गुणस्तरीय वातावरणका लागि सुधार, सीपमूलक तालिम विस्तार तथा सर्वसुलभ स्वास्थ्य सेवाका लागि संसदमा प्रभावकारी आवाज उठाउने प्रतिबद्धा समेत उनले जनाए । झाले भने रास्वपाले चलाएको घरदैलो अभियानबाट जनताको समस्या बुझ्न पाएका छौं र उहाँहरुको रास्वापप्रति व्यापक समर्थन पाइरहेकाले यसलाई निरन्तरता दिदैं जानेछु ।
यो विषयमा आफ्नो प्रतिक्रिया दिनुहोस् !