जनकपुरधाम, पुस २७ गते । नेपाल मेडिकल एसोसिएसन जनकपुर अञ्चल शाखाको अध्यक्षमा डा. रामज्ञान यादव निर्वाचित भएकाे छ ।
एसोसिएसनको १३ सदस्यीय कार्यसमितिका लागि शनिबार भएको निर्वाचनमा यादवले २ सय ७६ मत ल्याए भने उहाँको निकटतम प्रतिद्वन्द्वी डा. अवधेशकुमार साहले २ सय ७४ मत ल्याएका थिए ।
त्यस्तै एसोसिएसनको बरिष्ठ उपाध्यक्ष पदमा डा. विजयकुमार कापर, उपाध्यक्षमा डा. निरञ्जन गोइत, सचिवमा डा. विजयकुमार साह, सह–सचिवमा डा. रोविन झा, कोषाध्यक्षमा डा. रतिश सिंह र सह–कोषाध्यक्षमा डा. शम्भुकुमार साह निर्वाचित भएका हुन् ।
त्यस्तै कार्यसमिति सदस्यमा डा. जितेन्द्र ठाकुर, डा. रविनप्रताप साह, डा. बलरामकुमार मण्डल, डा. ममताकुमारी साह, डा. रामप्रताप साह विजयी भएका हुन् ।
मतदानमा धनुषा, महोत्तरी, सर्लाही र सिन्धुलीका ८ सय ९५ मतदाता सहभागी भएका थिए ।
यो विषयमा आफ्नो प्रतिक्रिया दिनुहोस् !