जनकपुरधाम, पुस २ गते । लैंगिक हिंसा विरुद्धको १६ दिने अभियानअन्तर्गत सामुदायिक परिवार कल्याण संघ (सीएफडब्लूए) ले यसवर्ष पनि विभिन्न जनचेतनामूलक कार्यक्रमहरू सम्पन्न गरेको छ ।
प्लान इन्टरनेशनल नेपालको साझेदारीमा सञ्चालित सशक्त बालिका परियोजना अन्तर्गतकाे सहयाेगमा सीएफडब्लूएले यस वर्ष “प्रविधिको सही प्रयोग गरौँः लैंगिक हिंसा अन्त्य गरौँ” भन्ने मूल नाराका साथ मनाएको हो ।
अभियान अन्तर्गत विदेह नगरपालिका वडा नं. १ ठाडी, वडा नं. ८ बफै र वडा नं. ७ योगीयारामा ‘परिवर्तनका संवाहक’ कक्षामा अध्ययनरत बालबालिका तथा किशोर–किशोरीहरूले आफ्ना गाउँ–टोलमा ६ र ७ डिसेम्बर २०२५ मा बाल विवाह र दाइजो प्रथाविरुद्ध जनचेतनामूलक सडक नाटक प्रदर्शन गरेका थिए ।
त्यसैगरी, जनकनन्दिनी गाउँपालिका वडा नं. ५ बनरझुल्ला स्थित श्री शंकर माध्यमिक विद्यालय सँगको संयुक्त आयोजनामा १ डिसेम्बर २०२५ मा हाजिरी जवाफ तथा वक्तृत्वकला प्रतियोगिता सम्पन्न गरिएको थियो । कार्यक्रममा जनकनन्दिनी गाउँपालिकाभित्रका ६ वटा आधारभूत तथा माध्यमिक विद्यालयबाट १८ जना विद्यार्थी हाजिरी जवाफमा र ६ जना विद्यार्थी वक्तृत्वकलामा सहभागी भएका थिए ।
उक्त कार्यक्रममा प्रथम, द्वितीय, तृतीय तथा सान्त्वना पुरस्कारको व्यवस्था सामुदायिक परिवार कल्याण संघले गरेको थियो भने सहभागी विद्यार्थीहरूको खाजाको व्यवस्था श्री शंकर माध्यमिक विद्यालय, बनरझुल्लाले गरेको थियो ।
यसैक्रममा, सामुदायिक परिवार कल्याण संघद्वारा गठन गरिएको च्याम्पियन युथ क्लब को आयोजनामा ६ डिसेम्बर २०२५ मा वृहत् ¥याली तथा कोणसभा आयोजना गरिएको थियो । ¥याली जनकनन्दिनी गाउँपालिकाबाट सुरु भई खजुरी बजार, महुवा बजार, रेलवे स्टेशन र प्रहरी चौकी हुँदै पुनः गाउँपालिकामा पुगेर कोणसभामा परिणत भएको थियो ।
¥याली तथा कोणसभामा गाउँपालिका, वडा कार्यालय तथा स्वास्थ्य चौकीका प्रतिनिधिहरूको उल्लेखनीय सहभागिता रहेको थियो। कार्यक्रममा सामुदायिक परिवार कल्याण संघले प्राविधिक सहयोग गरेको थियो भने जनकनन्दिनी गाउँपालिकाले आर्थिक सहयोग गरेको थियो । उक्त कार्यक्रममा करिब ४ सय ‘परिवर्तनका संवाहक’ कक्षामा अध्ययनरत बालबालिका तथा किशोर–किशोरीहरू सहभागी भएका थिए ।
त्यसैगरी, जनकपुरधामस्थित मैथिली विकास भवनमा ८ र ९ डिसेम्बर २०२५ मा आयोजित लैंगिक समानता मेला मा पनि सामुदायिक परिवार कल्याण संघले स्टल राखी चित्रकला, पर्चा, पम्प्लेट तथा बुकलेटहरूको प्रदर्शनी गरेको थियो। मेलामा विभिन्न राष्ट्रिय तथा अन्तर्राष्ट्रिय गैरसरकारी संस्थाहरूको सहभागिता रहेको थियो ।
लैंगिक समानता मेलाको आयोजना ‘हामी दाजु भाइ’ संस्थाले गरेको थियो भने एक्सन एड एबिलिटी इन्टरनेशनल नेपाल, नेपाल ब्लाइण्ड रिलिफ एशोसिएसन लगायतका संस्थाहरूले सहकार्य गरेका थिए ।
सो १६ दिने अभियानअन्तर्गत सम्पन्न यी कार्यक्रमहरूले समुदायस्तरमा लैंगिक हिंसा, बाल विवाह, दाइजो प्रथा र प्रविधिको दुरुपयोगविरुद्ध चेतना अभिवृद्धि गर्न महत्वपूर्ण भूमिका खेलेको आयोजक संस्था सीएफडब्लूएले जनाएको छ ।
यो विषयमा आफ्नो प्रतिक्रिया दिनुहोस् !