जनकपुरधाम, मंसिर ८ गते । लोकलाज र सामाजिक परिवेशका कारण विद्युतिय माध्यमद्वारा लैलिंगक हिंसा भएपनि महिला तथा किशोरीहरुले प्रहरीमा मुद्दा नगराउने गरेको एक कार्यक्रम जनाइएको छ ।
यश वर्ष सुरू हुन लागेकाे लैङ्गिक हिंसा विरूद्धकाे १६ दिने अभियानकाे पुर्व सन्ध्यामा सोमवार जनकपुरधाममा आयोजित प्रविधि मार्फत हुने लैंगिक हिंसा बारे पत्रकारसंगको अन्तरक्रिया कार्यक्रममा मधेश प्रदेश प्रहरी कार्यालयका प्रहरी निरिक्षक सोनु साहले यस्तो बताएका हुन ।
उनले प्रस्तुत गरेको तथ्यांक अनुसार सामाजिक सञ्जाल मार्फत मधेश प्रदेशमा चालु आ.व. मात्रै ४२५ वटा घटना दर्ता भएको हो । प्रदेशका ८ वटा जिल्ला मध्ये सबैभन्दा बढी सप्तरीमा ११६ वटा सामाजिक सञ्जाल मार्फत लैंगिक हिंसाको घटना भएको उनले बताए ।
गत आर्थिक वर्षमा १ हजार १ सय ५६ वटा मुद्दा दर्ता भएको थियो । जसमा सबभन्दा बढी जिल्लाबाट ४११ वटा मुद्दा दर्ता भएको थियो । फेसबूक मार्फत ४९३ र टिकटक मार्फत ४७८ वटा प्रविधि मार्फत हुने लैंगिक हिंसाको मुद्दा दर्ता भएको थियो । धनुषामा फेसबूकका २ सय ५ र टिकटकका १ सय ७० घटना दर्ता भएको थियो ।
प्रहरी निरिक्षक साहले भने यी संख्या दर्ता भएका मात्र हुन । यो भन्दा कयौं गुणा घटना प्रहरी समक्ष त पुगेकै छैन । अधिकांश लैगिक हिंसाका घटना घर परिवार वा चिनजानका व्यक्तिबाटै हुने गरेको मुद्दा दर्ताको तथ्यांकले देखाएको छ ।
लैङ्गिक हिंसा अन्त्य गर्दै महिला तथा किशाेरकाे समृद्ध र विकसित जीवनका लागि ILO, UNFPA, UNICEF, UNWOMEN द्वारा सशक्त महिला, समृद्ध नेपाल कार्यक्रम संचालनमा रहेकाे छ ।
`प्रविधिकाे सही प्रयाेग, लैङ्गिक हिंसाकाे अन्त्य´ भन्ने मूल नाराका साथ शुरू हुन लागेकाे लैङ्गिक हिंसा विरूद्धकाे १६ दिने अभियानकाे अवसरमा ती कार्यक्रम बारे जानकारी गराउने उद्देश्य पत्रकारसंग अन्तरक्रिया आयाेजना गरिएकाे थियाे ।
कार्यक्रम बारे जानकारी यूएनएफपीएका प्रतिनिध श्रीराम हरिदासले गराएका थिए भने ईडब्लुपीएनकी संगीता यादवले सशक्त महिला समृद्ध नेपाल कार्यक्रम बारे जानकारी प्रस्तुत गरेकी थिइन ।
यस्तै यूएनएफपीएका समीर घिमिरेले प्रविधि मार्फत हुने लैङ्गिक हिंसा बारे जानकारीका साथै कानुनी व्यवस्था बारे बताएका थिए भने युनिसेफबाट किशाेरी प्रियंका झाले अनुभव र कसरी वचन सकिने कुरा राखेकी थिइन ।
अन्तरक्रियामा पत्रकार माधुरी महताेले अनुभव शेयर गरेकी थिइन भने पत्रकार मनिका झाले प्रविधि मार्फत हुने लैङ्गिक हिंसामा रिपाेर्टिंग कसरी गर्ने बारे जानकारी गराएकी थिइन ।
सन् २०२३ देखि २९२६ सम्म संचालन हुने साे कार्यक्रमकाे बजेट USD 19.5 million अर्थात नेपाली रु २ अर्ब ७८ करोड ७ लाख ६ हजार रहेकाे छ ।
याे कार्यक्रम मधेशसहित कर्णाली, सुदुरपश्चिममा साे कार्यक्रम संचालनमा रहेकाे छ । मधेशका ३२ स्थानीय तहमा याे कार्यक्रम संचालनमा रहेकाे छ ।
यो विषयमा आफ्नो प्रतिक्रिया दिनुहोस् !