जनकपुरधाम, भदाै १४ गते । जनकपुर उपमहानगरपालिका वडा नम्बर २० रूपैठाकाे झण्डाचोकमा हिन्दू र मुस्लिम दुई समुदायबीच झडप भएको छ ।
भगवान गणेश पुजाकाे मुर्ती विसर्जनको लागि लैजादैं गर्दा मुस्लिम बस्तीबाट केहीले ढुङ्गा प्रहार गरेपछि लुवै समुदायबीच उत्पन्न भएकाे विवादले उग्ररूप लिएपछि झडप भएको हो ।
दुई समुदायबीच भएकाे झडपकाे क्रममा दुई जना घाइते भएकाे धनुषाका एसपी नरहरि रेगमीले बताएका छन् । तर स्थानीयका अनुसार दुईजना गम्भीर घाइते भएका छन भने आधा दर्जनभन्दा बढी चाेटपटक लागेर सामान्य घाइते भएकाे हाे ।
झडप नियन्त्रणमा लिन प्रहरीले चार सेल अश्रु ग्यास प्रहार गरेको धनुषाका प्रहरी प्रवक्ता डीएसपी बरुण बहादुर सिंहले जानकारी दिएका छन् । याे समाचार लेख्दासम्म त्यहाँको अवस्था तनावग्रस्त नै रहेकाे थियाे । दुवै समुदायका व्यक्तिहरू लाठी फरहट्टा सहित झडपमा उत्रेका हुन् ।
अहिले कुनै अप्रिय घटना हुन नदिन नेपाल प्रहरी र सशस्त्र प्रहरी बाक्लो मात्रामा प्रहरी परिचालन गरिएको छ भने केहीलाई नियन्त्रणमा समेत लिइएकाे बुझिएकाे छ । झडपमा घाइते भएकाको विवरण अहिलेसम्म प्रहरी समक्ष नआएको डिएसपी सिंहले बताए ।
स्थानियका अनुसार हिन्दु समुदायका एक समुह भगवानकाे मूर्ति विसर्जनका लागि मुस्लिम वस्ती भएर गइरहेकाे बेला मुस्लिम समुदायका केही व्यक्तिले ती समुहमाथि ढुङ्गामुढा गरेपछि विवाद हुँदै झडप भएकाे थियाे । प्रहरीले समयमै स्टेप नलिएकाे कारण विवाद उग्र बनेकाे स्थानीयकाे आराेप छ ।
यसअघि साे चाेकका एक पाेलमा मुस्लिम समुदायले आफ्नाे धर्मकाे झण्डा लगाएकाे विषयले विवाद झन उग्ररूप लिएकाे थियाे । याे कुनै नाैलाे घटना हाेइन यसअघि पनि कयाैंपटक दुई समुदायबीच झडप भइसकेकाे छ ।
प्रत्येक बर्ष हिन्दुहरुको पूजाआजामा त्यहाँ रहेका मुस्लिम समुदायका केही युवकहरुले उच्छृँगल गतिविधि गर्दै आएका छन् । विदेशबाट सामाजिक संजाल ग्रुपकाे माध्यमबाट केही उच्चश्रृंल प्रवृतिका मुस्लिम समुदायका व्यक्तिहरुलाई हिन्दुहरुको चाडपर्वमा अवरोध गरे वापत रकम पठाउने गरिएकाे स्थानियकाे आराेप छ ।
यो विषयमा आफ्नो प्रतिक्रिया दिनुहोस् !