जनकपुरधाम, वैशाख १२ गते । जनताकाे समस्या समाधान गर्दै लाेकप्रिय सहयाेगी छवि बनाएका विकास प्रेमी नेपाली कांग्रेसका केन्द्रीय सह महामन्त्री तथा पूर्वमन्त्री महेन्द्र यादवले उदारताकाे नयां उदाहरण देखाएका छन् ।
जनताको स–साना समस्यामा समेत सहकार्य गर्दै उदाहरणीय कार्य गर्दै नेता यादवले सप्तरीकाे महुली नदीस्थित पुल नजिक अटो रिक्साले चढ्न नसक्ने स्थिति देखेपछि उहां आफैँ गाडीबाट ओर्लेर रिक्सालाई धकेली सहयोग गरेका हुन् ।
उक्त अटो रिक्सामा महिला र बच्चा सवार थिए। पुलमा अटो चढ्न नसक्दा अलपत्र परेका यात्रुहरूलाई देखेपछि नेता यादवले आफ्नो सुरक्षाकर्मी र साथमा रहेका अन्य नेताहरूको सहयोगमा अटो धकेली पुल पार गराएका थिए । उनको यस्तो मानवीय सहयाेगी सहकार्यले स्थानीयहरू बीच अति प्रशंसणीय बनेका छन् ।
महेन्द्र यादव पूर्व खानेपानी मन्त्रीसमेत भइसकेका नेता हुन् । मन्त्री रहेका बेला उनले जनकपुरधाम उपमहानगरपालिकाको विकासका लागि करोडौं रुपैयाँ बजेट विनियोजन गरेका थिए । यद्यपि, उपलब्ध बजेट उपमहानगरपालिकाले खर्च गर्न सकेन् ।
स्थानीयबासीहरूले यादवको यस्तो व्यवहारलाई ‘नेतृत्वको उदाहरणीय संवेदनशीलता’ भन्दै स्वागत गरेका छन् । “नेताले केवल ठूला कार्यक्रम मात्र होइन, जनताका स–साना समस्यामा पनि हातेमालो गर्न सक्नुपर्छ,“ नेपाली कांग्रेसका नेता बजंरग यादवले भने ।
यो विषयमा आफ्नो प्रतिक्रिया दिनुहोस् !