जनकपुरधाम, माघ २० गते । मधेश प्रदेश सभाले आफ्नो सातौं वार्षिक उत्सवको अवसरमा वृक्षारोपण र खाद्यान्न सामाग्री वितरण कार्यक्रम सम्पान्न गरेको छ।
वातावरण संरक्षण तथा हरियाली प्रवर्द्धन गर्ने उद्देश्यले जनकपुरधामको विमानस्थल प्रवेशद्वारदेखि प्रदेश सभा भवनसम्मको सडक किनारमा वृक्षारोपण गरिएको छ ।
प्रदेश सभाका सभामुख रामचन्द्र मण्डलकाे नेतृत्व गरेकाे साे कार्यक्रममा उपसभामुख बबिता ईशर, प्रदेश सभा सदस्यहरू, कर्मचारी तथा सर्वसाधारणको उल्लेखनीय सहभागिता रहेको थियो।
सभामुख मण्डलले वृक्षारोपणले स्वच्छ हावा, हरियाली तथा जैविक विविधताको संरक्षणमा टेवा पुर्याउने बताए ।
कार्यक्रममा सहभागीहरूले वृक्षारोपण मात्र नभई वृक्षको संरक्षण तथा दिगो वातावरणीय विकासका लागि सामूहिक प्रयास आवश्यक रहेकोमा जोड दिएका थिए।
वार्षिकाेत्सवकाे अवसरमा जनकपुरधामस्थित मानव सेवा आश्रम र अनाथ आश्रमलाई खाद्यय सामाग्री वितरण गरेका छने ।
मानव सेवामा आश्रममा आश्रय लिइरहेका असहाय व्यक्तिहरूलाई मधेश प्रदेश सभा समितिले खाद्य सामग्री सहयोग गरेको हो । यस अवसरमा विभिन्न प्रकारका दैनिक उपभोग्य वस्तुहरू वितरण गरिएका छन् । ३० बोरा चामल, ५० किलो दाल, ५० किलो चिनी, साथै आटा, प्याज र आलुजस्ता सामग्रीहरू समावेश छन् ।
खाद्य सामग्री हस्तान्तरण कार्यक्रम मधेश प्रदेश सभाको सातौं वार्षिकोत्सव मुल समारोह समितिका संयोजक प्रदेश सांसद रामअशिष यादवको विशेष उपस्थितिमा सम्पन्न भएको हो ।
यसैगरी अवसरमा जानकी वृद्धा आश्रम र संत कबीर आश्रमलाई पनि खाद्यान्न र कपडा प्रदान गरिएको छ । मधेश प्रदेश सभाले समाजमा सेवाको भावना अभिवृद्धि गर्दै यस प्रकारका कार्यक्रमहरूलाई निरन्तरता दिने घोषणा गरेको छ ।
यो विषयमा आफ्नो प्रतिक्रिया दिनुहोस् !