जनकपुरधाम, असोज ३० गते । धनुषाको मिथिला नगरपालिका वडा नं. ७ स्थित केमलीपुरमा गत ७ वर्षदेखि निर्माणाधिन अवस्थामा रहेको खानेपानी तथा सरसफाई आयोजना पूर्ण रुपमा निर्माण गर्न प्रदेश सरकारका ऊर्जा, सिचाइ तथा खानेपानी मन्त्री शेष नारायण यादवले निर्देशन दिएका छन् ।
बुधवार सो आयोजनाको निरिक्षण गर्दै मन्त्री यादवले मन्त्रालय मातहतका कार्यालय खानेपानी तथा सरसफाई विकास डिभिजन कार्यालय महोत्तरीका प्रमुख सुरेन्द्र शर्मालाई तत्काल मरम्मत सम्भारसहित निर्माण सम्पन्न गरी पुर्ण संचालनमा ल्याउन निर्देशन दिए ।
संघीय सरकारको लगानीमा निर्माणाधीन सो आयोजना ७ वर्षमा पनि पूर्ण रुपमा निर्माण हुन सकेको छैन । एक हजारभन्दा बढीपरिवारलाई पानी पुरयाउन सक्ने क्षमता भएका सो आयोजनाबाट निर्माण नसकिएपनि गत तीन वर्षदेखि ११० घरधुरी परिवारले मात्र पानीको सुविधा लिंदै आएको आयोजनाकाे उपभोक्ता समितिका अध्यक्ष ताराप्रसाद उपाध्यायले बताए ।
उनले भने २ लाख २५ हजार लिटर क्षमता भएका टयांकीको निर्माण भएपनि पाइप र थप माेटर तथा बाेर्डिंग जडान नभएका कारण एक हजार भन्दा परिवारले सुविधा लिन सक्ने खानेपानी आयोजनाबाट मात्र ११० घरधुरी जसोतसो पानी खाइरहेका छौं । हाल संचालित माेटर समेत बिग्रेका कारण टयांकीमा पानी नचढ्दा टयांकी प्रयाेगविहिन भई उपभाेक्ताहरू माेटरबाट डाइरेक्ट पानी तानेर खाइरहेका छन् ।
उपभोक्ता समितिका पदाधिकारी र स्थानीयको पीडा सुन्दै मन्त्री यादवले आयोजना सम्पन्न हुन किन यति समय लागेको भन्ने मन्त्री यादवको प्रश्नमा कार्यालय प्रमुख शर्माले संघीय सरकारबाट आवश्यक बजेट उपलब्ध नहुँदा ढिलाई हुन गएको जनाएको थियो ।
प्रमुख शर्माको जवाफमा मन्त्री यादवले संघीय सरकारबाट आएको बजेट अपुग हुन्छ भने प्रदेश सरकारले थप बजेट सहयोग गर्ने भन्दै तत्काल एक महिनाभित्र निर्माण सम्पन्न गर्न निर्देशन दिए । अब उपभोक्ताले रकम नतिर्ने गरी विद्युतको विकल्पका लागि सोलार प्लान्ट नै लगाउन, थप मोटर, बोर्डिँग र पाइप जडान गर्न थप निर्देशन समेत दिए ।
कार्यालय प्रमुख शर्माका अनुसार सो खानेपानी आयोजनामा थप एक÷एकवटा थप मोटर, बोर्डिँग र पाइप जडानसहित टयाँकी रंगरोगन लगायतका ४० प्रतिशत काम गर्न अझै बांकी रहेको छ । अनुमानित एक÷डेढ करोड रुपैया अझै चाहिन्छ ।
सो निरिक्षण टोलीमा नेपाली कांग्रेसका सह महामन्त्री एवं पूर्व मन्त्री महेन्द्र यादव, कांग्रेसका क्षेत्रिय अध्यक्ष योगनारायण यादव, कांग्रेसका नेता घनश्याम यादव लगायत उपभोक्ता समितिका पदाधिकारी र स्थानीयहरुको व्यक्तिहरूको सहभागिता रहेको थियो ।
यो विषयमा आफ्नो प्रतिक्रिया दिनुहोस् !