जनकपुरधाम, असोज २० गते । अख्तियार दुरुपयोग अनुसन्धान आयोगले केही दिन अगाडी आफ्नोे ३४ औँ वार्षिक प्रतिवेदन राष्ट्रपतिले बुझायो । आयोगको तथ्यांक अनुसार भ्रष्टाचारमा जनकपुरधाम उपमहानगरपालिका पांचौ र जलेश्वर नगरपालिका आठौं नम्बरमा परेकाे छ ।
आयोगमा स्थानीय तहविरुद्ध परेको कुल उजुरी अध्ययन गर्दा भ्रष्टाचारको मामिलामा पोखरा महानगरपालिका पहिलो नम्बरमा छ भने काठमाडौँ महानगरपालिका दोस्रो नम्बरमा छ । यद्यपि सबैभन्दा बढी मधेसका स्थानीय तहहरुमा भ्रष्टाचार हुने गरेको आयोगको तथ्यांकले पुष्टी गर्छ । आयोगमा मधेस प्रदेशबाट बढी उजुरी पर्ने स्थानीय तहमा बाराको पचरौता नगरपालिका रहेको छ । देशभरीमा पचरौता उजुरीको मामिलामा तेस्रो स्थानमा छ ।
बाराकै सुवर्ण गाउँपालिका चौथो र जनकपुर उपमहानगरपालिका पाँचौँ नम्बरमा छ । बढी भ्रष्टाचारको उजुरी पर्ने १० स्थानीय तहमध्ये छैटौँ नम्बरमा पर्साको छिपहरमाई गाउँपालिका, सातौँमा कृष्णनगर नगरपालिका, आठौँमा जलेश्वर नगरपालिका, नवौँ स्थानमा राजपुर नगरपालिका र १० औँ स्थानमा हेटौँडा उपमहानगरपालिका छन् ।
सबभन्दा बढी पोखरामा भ्रष्टाचारको ३५९ वटा उजुरी परेको छ । दोश्रोमा मेयर बालेन साहले कमाण्ड गरिरहेको काठमाडौँ महानगरपालिकासँग सम्बन्धित २७५ भ्रष्टाचार तथा अनियमितता सम्बन्धी उजुरी परेका छन् । तेश्रोमा पचरौता नगरपालिका, चौथो सुवर्ण गाउँपालिका रहेका छन् ।
पाँचौंमा मधेश प्रदेशस्थित जनकपुर उपमहानगरपालिकाका गतिविधि विरुद्ध १७६ वटा भ्रष्टाचारको उजुरी अख्तियारमा परेका छन् । यस्तै हेटौंडा उपमहानगरपालिकाको काम कारवाहीसँग सम्बन्धित १२२ वटा उजुरी अख्तियारमा परेको छ ।
बढी भ्रष्टाचारको उजुरी पर्ने १० स्थानीय तहमध्ये छैटौँ नम्बरमा छिपहरमाई गाउँपालिका, सातौंमा कृष्णनगर नगरपालिका, आठौँमा जलेश्वर नगरपालिका, नवौँ स्थानमा राजपुर नगरपालिका र १० औं स्थानमा हेटौंडा उपमहानगरपालिका छन् । ’बढी उजुरी पर्ने १० स्थानीय तहमा स्थानीय तहविरुद्धका कुल उजुरीको ९ दशमलव ८ प्रतिशत छन् भने बाँकी स्थानीय तहसँग सम्बन्धित ९० प्रतिशतभन्दा बढी उजुरी रहेको अख्तियारले भनेको छ ।
अख्तियारको पछिल्लो प्रतिवेदन अनुसार बर्षभरीमा त्यहाँ परेका ३६ हजार १८६ उजुरीमध्ये १९ हजार १०६ वटा उजुरी स्थानीय तह सँग सम्बन्धित रहेको छ । अर्थात यो आँकडाको आधारमा कुल भ्रष्टाचारमध्ये स्थानीय तहमा ५२ दशमलव ८० प्रतिशत हुने गरेको छ ।
यो विषयमा आफ्नो प्रतिक्रिया दिनुहोस् !