जनकपसरधाम, असाेज १७ गते । मधेश प्रदेश सरकारका उर्जा, सिचाई तथा खानेपानी मन्त्री शेष नारायण यादवले बाढी प्रभावित क्षेत्रकाे अनुगमनकाे क्रममा बिहिवार महोतरी जिल्लाको बलवा नगरपालिकामा निरिक्षण गरेका छन् ।
राताे नदीले कटान गरि क्षति पुरयाएका नगरपालिकाकाे वडा नं. १,२,र ४ मा प्राविधिक टाेली सहित निरिक्षण गरेकन हुन् ।
पछिल्लाे साता अविरल वर्षाका कारण बाढीले बस्तीहरू डुवानमा परेकोले तत्काल नदि नियन्त्रण तथा व्यवस्थापन गर्न सम्बन्धित कार्यालय संग पहल गर्ने प्रतिबद्धता मन्त्री यादवले जनाए । साथै उनले मातहतका निकाय जलश्राेत तथा सिचाई विकास डिभिजन कार्यालयलाई तत्काल तारजाली गरेर थप क्षतिबाट राेक्न निर्देशन दिए ।
साे निरिक्षण टोलीमा नेपाली काग्रेस जिल्ला सभापति नागेश्वर यादव, क्षेत्रिय सभापति राजकरण साह, कांग्रेस नेता घनश्याम यादव, बलवाका वडा अध्यक्षहरू पप्पु ठाकुर ज्यू , शशी साह, प्रमोद यादव लगायत स्थानीय नेता तथा कार्यकर्ताहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !