जनकपुरधाम, असाेज १४ गते । मधेश प्रदेश सरकारका ऊर्जा, सिचाइ तथा खानेपानी मन्त्री शेषनाराण यादवले बाढी प्रभावित क्षेत्र अनुगमनमा सक्रियता बढाएका छन् ।
गत बिहीवारदेखि दुई दिनसम्म भएकाे अबिरल वर्षाबाट आएकाे बाढीाट नदी तटबन्ध सहित भाैतिक तथा मानवीय क्षतिकाे अवस्था बुझ्न अनुगमन घर घर दैलाेमा गई अनुगमन गरिरहेका छन् ।
साेमवार मन्त्री यादवले प्राविधिक टाेली सहित सर्लाहीकाे मलंगवा नगरपालिका वडा नं. ६ खुटाैना, काैडेना वडा नं. ५ मा पर्ने लखनदेही नदीको तटबन्धकाे अनुगमन गरेका हुन् । नदी तटबन्धसहित उनले बाढी प्रभावितहरूकाे घर घरमा गई उनीहरू अवस्था समेत बुझेका छन् ।
अनुगमन पश्चात् मन्त्री यादवले बाढीबाट ठाउँ ठाउंमा नदीका तटबन्ध भत्किएका छन् भने लाखाैकाे धनमाल समेत क्षति भएकाे देखिएकाे भन्दै प्रदेश सरकारबाट हुन सक्ने व्यवस्थापन तथा नियन्त्रण यथाशिघ्र अघि बढाइने प्रतिबद्धता जनाए । उनले थप्दै भने अधिकांश तटबन्ध संघीय सरकारबाट विभिन्न दातृ निकायबाट भएकाले ती याेजनामा प्रदेशले हस्तक्षेप गर्न नमिल्ने भएकाले यथाशिघ्र व्यवस्थापनका लागि संघीय सरकारसंग पहल गरिरहेका छाै ।
साे अनुगमन टाेलीमा मन्त्री यादव संगै श्रम तथा यातायात मन्त्री कौशल किशोर राय, प्रदेश सांसद्वय जंगीलाल राय, सकुन्तला महरा, पूर्वमन्त्री महेन्द्र राय यादव, प्राविधिक टिम, नगरप्रमुख रूपेश कुमार लगायत स्थानीयवासी र स्थानीय नेता कार्यकर्ताहरुकाे सहभागिता रहेकाे थियाे । यसअघि राैतहटकाे बागमति, लाल बकैया र सप्तरीकाे त्रियुगा नदी तटबन्धकाे अनुगमन गरेका थिए ।
यो विषयमा आफ्नो प्रतिक्रिया दिनुहोस् !