जनकपुरधाम, भदाै २३ गते । जनकपुरधाम उद्योग वाणिज्य संघको अध्यक्ष पदमा उम्मेदवारी दिएका उम्मेदवारहरु चुनावी प्रचार प्रसार तीव्र बनाएका छन् ।
उम्मेदवारहरु व्यापारीहरुको व्यापारिक प्रतिष्ठानमा पुगेर मत माग्न व्यस्त छन् । सोही क्रममा व्यापारीहरु अब आउने नेतृत्वसंग अपेक्षा समेत राखि रहेका छन् ।
उम्मेदवार सुरेन्द्र भण्डारीले आयोजना गरेका व्यापारीहरुको भेलामा व्यापारीहरुले आफ्नो अपेक्षा व्यक्त गरेका छन् । व्यापारीहरुले हामीहरुको अपेक्षा पूरा गर्ने उम्मेदवारलाई जिताउन आफूहरु प्रतिबद्ध रहेको बताएका थिए ।
युवा व्यापारी प्रशान्त झाले भण्डारी व्यापारीहरुको पीडामा मलहम लगाउने व्यापारी नेता रहेकाले आफूहरु उनको पक्षमा लागेको बताए । व्यापारीको पीडा हुँदा दिनरात नभनी खट्ने उम्मेदवार हुन्, उनले भने ‘हामी युवा व्यापारी उद्योग वाणिज्य संघमा व्यापारीहरुको हकहितका लागि काम गर्ने तथा युवा व्यापारीलाई नेतृत्वमा देख्न चाहन्छौँ ।’
अर्का युवा व्यापारी पंकज साहले उम्मेदवार भण्डारी समक्ष आज जसरी हामीहरु समक्ष प्रस्तुत हुनु भएको छ, त्यस्तै भोली पनि प्रस्तुत हुनु हुन्छ भन्ने अपेक्षा राख्न चाहन्छौँ । उनले हाम्रो अपेक्षा पूरा गर्ने भए उनको जीतलाई सुनिश्चित पार्न काम गर्ने प्रतिवद्धता व्यक्त गरे ।
यता भण्डारी आफू व्यापारीहरुको सहयोगका लागि अहोरात्र खटेकाले अहिले आएर आफू पनि व्यापारी साथीभाईसंग सहयोगकालागि अपेक्षा राखेको बताए । उनले भने ‘ म ११ बुँदे योजना बनाएर काम गर्ने छु, आफू निर्वाचित भए जनकपुरधामको उद्योग व्यवसाय तथा पर्यटनको विकासकालागि काम गर्नेछु ।
यो विषयमा आफ्नो प्रतिक्रिया दिनुहोस् !