जनकपुरधाम, साउन २१ गते । महोत्तरीको गौशालास्थित कावरिया सेवा समितिले ११ हजार भन्दा बढी कावरियाहरुलाई निःशुल्क भोजन गराएका छन् ।
सोमबार टुटेश्वर महादेवबाट फर्कदै गरेका बोलबम तिर्थालुहरुलाई गौशाला २ निगौल चौक स्थित दुर्गा मन्दिरको प्रांगनमा ११ हजारभन्दा बढीलाई निःशुल्क भोजन गराएको समितिका अध्यक्ष महेश्वर महतोले जनाएको छ ।
प्रत्येक बर्ष साउनमा बोलबम यात्रुहरुका लागि निःशुल्क भोजनको व्यवस्था गर्दै आएकोमा यसवर्ष पनि त्यसलाई निरन्तरता दिएको अध्यक्ष महतोले बताए । समितिले विभिन्न दाता र समितिका पदाधिकारी तथा सदस्यहरुको आर्थिक सहयोगमा बोलबम यात्रीहरुका लागि निःशुल्क भोजनको व्यवस्था गर्दै आएको हो ।
कतारमा काम गर्दै आएका भंगहा नगरपालिका ६ हतिसर्वाका रबिन ठाकुर र अरबिन ठाकुरले भोजनको सम्पूर्ण व्यवस्था गरेको समितिका कोषाध्यक्ष जिवछ महतोले जानकारी दिए । आगामी सोमबार समेत कावरिया तिर्थालुहरुको लागि निःशुल्क भोजनको व्यवस्था गरिने समितिले जनाएको छ ।
यो विषयमा आफ्नो प्रतिक्रिया दिनुहोस् !