गौशालाको बजेट ९३ करोड १५ लाख

जनकपुरधाम, असार १० गते । गौशाला नगरपालिकाले आर्थिक बर्ष २०८१ /०८२ को लागि ९३ करोड १५ लाख ५७ हजार ५ सय बराबरको वजेट योजना सार्वजानिक गरिएको छ । नगरप्रमुख डा दिपेन्द्र महतोले वार्षिक योजना निती तथा वजेट सार्वजनिक गरेका हुन् ।

६२ करोड ४५ लाख ८९ हजार संघिय अनुदान तथा ६ करोड १९ लाख ५१ हजार प्रदेश र ९ करोड ५० लाख १७ हजार ५ सय रुपैयाँ बराबरको आन्तरिक स्रोतमार्फत बजेट कार्यान्वयनमा ल्याएका छन् । त्यस्तै वजेटमा आन्तरिक स्रोतमार्फतको १५ करोड रकम आल्याबाट समेटिएको नगरप्रमुख डा महतोले जानकारी दिएका छन् । बजेटमा कृषि, शिक्षा र स्वास्थ्यमा बढी जोड दिइएको छ ।

नगरसभामा मधेश प्रदेशका अर्थमन्त्री भरतप्रसाद साहले प्रदेशका योजनामा यसपटकदेखि टुक्रे योजनाको अन्त्य भई मझौला योजनाहरु लागु भएको जानकारी दिए । गौशाला नगरपालिकाको वजेट योजना तथा तुर्जमा कार्यक्रमलाई प्रमुख अतिथीको रुपमा सम्बोधन गर्दै अर्थमन्त्री साहले विगत सात बर्षको वजेट नितीलाई आफु अर्थमन्त्री भएपछि अन्त्य गरिएको जनाए ।