जनकपुरधाम, असार ७ गते । असार १० गतेका लागि ताेकिएकाे जनकपुरधाम उपहानगरपालिकाकाे १२ औं स्थगित भएकाे छ ।
नगरसभाकाे तयारीका लागि शुक्रवार बाेलाइएकाे कार्यपालिका बाेर्डकाे बैठक वडाध्यक्षसहित बाेर्ड सदस्यहरूले विभिन्बन माग अघि सार्दै बहिष्कार गर्दा नगरसभा स्थगित हुन गएकाे श्राेतले जनाएकाे छ ।
कांग्रेस निर्वाचित वडाध्यक्षले मेयर मनाेज साहले कुनै छलफल नै नगरी एकलाैटी निर्णय गरेर मनपरी गर्न खाेजेकाे आराेप लगाउंदै बहिषकार गरी उपस्थित नहुंदा बैठक नै स्थगित भएकाे र याे संगै नगरसभा समेत स्थगित भएकाे नाम नखाेल्ने शर्तमा एक वडाध्यक्षले बताएका छन् ।
उनका अनुसार विशेष कारणवश बैठक स्थगित र अर्काे सुचना जारी नहुञ्जेलसम्मका लागि नगरसभा स्थगित गरिएकाे भन्ने उपमहानगरपालिकाले बाेर्ड सदस्यहरूले माेबाइलमा मैसेज गरेर अधिकारिक रूपमा जानकारी गराएका छन् ।
गएकाे जेठ ३१ गते बसेकाे कार्यपालिका बैठकबाट आउंदाे बैठकबाट छलफल गरि नगरसभा तयारी अघि बडाइने निर्णय गरिएकाे थियाे । तर मेयर साहले कुनै छलफल नै नगरी असार १० गतेका लागि मिति ताेकेर आफुलाई बेवास्ता गरि एकल निर्णय गरेकाे उनले बताए । उनले भने पमलिकाकाे कुनै काम बाेर्डकाे बहुमतबाट गर्ने कानुनी व्यवस्था रहेकाे मेयरले मनपर्दी गर्न खाेजेकाले आफुहरू सच्चिन सुझावसहित नगरसभा तयारी बैठक बहिष्कार गरेकाे छु ।
उनले थप्दै नगरसभाकाे मूल काम नै नीति तथा कार्यकणरम र बजेट सार्वजनिक गर्ने हाे तर मेयर साहले बजेट सम्बन्धमा छलफल नै नगरी एकलाैटी गर्न खाेजेकाे हाे ।
बाेर्ड निर्णय उपहागरले असार १० गते नगरसभा गर्ने भनी उपस्थितिका लागि सबै कार्यपालिका सदस्य तथा वडाध्यक्षहरूलाई पत्र समेत पठाई सकेका थिए । नगरसभा स्थगित भएपछि बजेट समेत प्रभावित हुन गएकाे छ ।
यसैबीच नगरसभा सम्बन्धी निर्णयकाे वडाध्यक्ष अर्जुन चाैधरीले खुलेर नै विराेध गरेका छन । उनले सामाजिक सञ्जालमा साह कसरी हुन्छ बारे एकचाेटी अध्ययन गर्न भनेकाे छ । उनले मेयरजी लाई नगरपालिकाको ऐन र कानुन एकचोटि पढ्नुपर्यो। नगरसभा कसरी हुन्छ र बाेर्डको बैठक कसरी हुन्छ जानकारी लिनुस् एक दिनमा बजेट पेश गर्नुस् अन्यथा बण्डामा हाल्छु भनी पत्र वार्डमा पठाउनु यो के हो मेयर साहब भन्दै ल म बैठकमा पनि जाँदिन बजेट पनि पेश गर्दिन कुनै पनि वार्डको पैसा बण्डामा राखेर देखाउनुस् चेतावनी दिएका छन् ।
साथै उनले मेयर साहकाे लापरवाहीका कारण विकासका काम गति लिन सकेको छैन बोर्डको निर्णयलाई समेत नमानी मनमानी ढंगले नगरपालिका चलाउन कोसिसमा लागेकाे आराेप लगाएका छन् । साथै मेयरकाे एकल शासनसहितकाे मनमानी विरूद्ध बोर्ड बैठक बहिष्कार गरेकाेमा सबै वडाध्यक्षहरूलाई धन्यवाद दिएका छन् ।
यो विषयमा आफ्नो प्रतिक्रिया दिनुहोस् !