जनकपुरधाम, फागुन २० गते । नेकपा एमालेका उपाध्यक्ष विष्णु पौडेलले वर्तमान सत्ता गठबन्धन अब लामो समय टिक्न नसक्ने बताएका छन् ।
धनुषाको महेन्द्रनगरमा आयोजित हक्की प्रतियोगिताको समापान समारोहमा सहभागी हुन आएका उपाध्यक्ष पौडेलले जनकपुरधाम विमानस्थलमा पत्रकारहरुसँग कुरा गर्दै वर्तमान गठबन्धन देखिएका आन्तरिक किचिलोले गठबन्धनको सरकार चाँडै ढल्ने निश्चित रहेको दाबी गरे ।
उपाध्यक्ष पौडेलले वर्तमान सरकारको आन्तरिक किचिलोका ककारण देश आर्थिक संकटमा फंस्दै गएको र सुशासन समेत कायम हुन नसकी देश धारासायी अवस्थामा पुगेको बताए ।
राष्ट्रियसभा अध्यक्षमा कांग्रेसलाई रोक्न माओवादी संग सहकार्य हुन लागेको हो ? भन्ने प्रश्नमा उनले राजनितिमा कुनै पनि अवस्था आउन सक्ने सम्भावना स्वभाविक प्रक्रिया रहेको यद्यपि एमाले पद भन्दा पनि अहिलको समस्याको निकाशलाई प्राथमिकतामा राखेको उनले बताए ।
कार्यक्रममा पार्टी अध्यक्ष केपी ओली आउने कार्यक्रम तय रहेकामा उनको ठाउँमा उपाध्यक्ष पौडेल आउनु भएको हो । अध्यक्ष ओलीको स्वागतका लागि तयार पारिएको दुई किलोको माला उपाध्यक्ष पौडेललाई लगाइएको छ ।
यो विषयमा आफ्नो प्रतिक्रिया दिनुहोस् !