जनकपुरधाम, फागुन १९ गते । जनकपुरधाममा पनि अन्तर्राष्ट्रिस्तरको गुणस्तरीय शिक्षा सहितको स्कूल संचालनमा आएको छ ।
मधेश प्रदेशमै शिक्षामा नयाँ आयाम मूल नाराका साथ जनकपुरधामको मिल्स एरियामा ‘विजडम ट्री इन्टरनेशनल’ नामक अत्याधुनिक सुविधा सम्पन्न स्कूल संचालनमा आएको हो । पिजीदेखि कक्षा ५ सम्म संचालनमा आएको सो स्कूलमा अन्तरराष्ट्रिय मापदण्डको स्मार्ट बोर्डसहितको स्मार्ट कक्षा कोठा, विज्ञान, संगीत, रोबोटिक, गणित, कम्पूटर, पुस्तकालय, योग शिक्षा, मिथिला चित्रकलाको प्रशिक्षण लगायतका सुविधाहरु रहेको जनाइएको छ ।
शनिवार विद्यालय व्यवस्थापन पक्षले एक पत्रकार सम्मेलन आयोजना गरी विद्यालयको विशेषताको बारेमा जानकारी गराएका हुन् । पत्रकार सम्मेलनमा उपस्थित स्कूलका संस्थापक एवं मैनेजिंग डाइरेक्टर गौतम अग्रवालले जनकपुरधाम क्षेत्रमा धेरै निजी विद्यालय भएपनि शिक्षा दिनुको सट्टा व्यापारीकरणमा लागेका छन् । यस क्षेत्रमा गुणस्तरीय अन्तर्राष्ट्रियस्तरको शिक्षा सहितको विद्यालयको खाँचो देखेर विजडम ट्री इन्टरनेशनल स्कूल संचालनमा ल्याइएको बताए ।
‘हाम्रो उद्देश्य नेपालको भविष्य’ मूल नाराका साथ संचालनमा ल्याइएको यस विद्यालयमा शिक्षा मात्र नभई विद्यार्थीमा संस्कृति र संस्कार, आधुनिक आवश्यकता अनुसारको प्राविधिक शिक्षा, मनोरञ्जनात्मक लगायतका शिक्षाहरुमा जोड दिइएको उनले समेत जानकारी दिए ।
विद्यालयका प्रधानाध्यापक डिजो जेकेले विद्यार्थीलाई परम्परागत किताबी ज्ञान मात्र होइन हामीले यसबाहेकजीवनपयोगी शिक्षा समेत दिनेछौं । विद्यार्थीहरुको रुचि र क्षमताको आधारमा उनलाई जीवनपयोगी शिक्षा पनि दिइने छौं, यसले गर्दा उनीहरुलाई आगामी दिनमा जागिरमै भरपर्ने समस्या नहोस भन्ने उद्देश्य पनि हाम्रो रहेको बताए ।
विद्यालयका शिक्षक लभ झाले यस विद्यालयमा अन्य विद्यालयभन्दा फरक तथा अत्याधुनिक सुविधाहरु रहेको जानकारी दिदैं बच्चाहरुको मानसिक बोझ हुन नदिन खेलकूल सामाग्री, गीत संगीतको मध्यमले पढाउने, स्तरीय होस्टेलको व्यवस्था सहित विद्यार्थीमाथि निगरानी गर्न सिसिटीभी लगायतको व्यवस्था रहेको जानकारी दिदैं सो स्कूल अन्तर्राष्ट्रिय आईएसओ मान्यता प्राप्त रहेको दाबी गरे ।
अन्तराष्ट्रियस्तरको शिक्षा दिन सो विद्यालयमा नेपाल भारतका दक्ष शिक्षकहरु राखिएको छ । शैक्षिक लाइसेंस प्राप्त दक्ष शिक्षकहरु मात्र राखिएको जानकारी दिदैं उनले खेल तथा मनोराञ्जनात्मक शिक्षकहरु समेत बाहिरबाट हायर गरी ल्याइएको जनाइएको छ ।
यो विषयमा आफ्नो प्रतिक्रिया दिनुहोस् !