जनकपुरधाम, मंसिर १२ गते । दुर्घटनाले टाउकोमा चोट लागेर बाच्नै नसक्ने अवस्थामा रहेका दुईजना घाइते ऐरिस कार्की र मिन्टु दासले जनकपुर न्यूरो हस्पिटलमा सफल उपचारपछि बाच्न सफल भएका छन् ।
धनुषाको ढल्केवरमा मोटरसाइकल दुर्घटनामा परी गम्भीर घाइते भएका काठमाडौका २६ वर्षिय ऐरिस कार्की र म्याजिक पल्टिंदा घाइते भएका सर्लाही हरिहरपुरका २० वर्षिय मिन्टु दासले सफल उपचारले नयाँ जीवन पाउएका हुन । दुर्घटनामा ऐरिस र दासको टाउकोको चोटले ब्रेन कामै नलाग्ने अवस्थामा डा. विजय राउत र हेमन्त साहको चिकित्सक टीमले सफल अपरेशन गरी बचाउन सफल भएको हो ।
हस्पिटलका व्यवस्थापन पक्षले मंगलवार आयोजना गरेको पत्रकार सम्मेलनमा सहभागी ऐरिस कार्कीका भिनाजु सुनिल कार्कीले मोटरसाइकल दुर्घटनामा परी टाउकोमा चोट लागेर गम्भीर घाइते भएका आफ्नो सालोको सफल उपचार गरेर जनकपुर न्यूरो हस्पिटलका चिकित्सक टिमले नयाँ जीवन दिएको बताए ।
पत्रकारहरुसँग उनले भने मधेशमा पनि यस्तो सफल उपचार हुन्छ भन्ने विश्वास थिएन । यो हस्पिटलले नयाँ उदाहरण कायम गरेको छ । आफूहरु त काठमाडौ वा चितवन लग्ने विचारमा थियौं । तर काठमाडौस्थित अन्नपूर्ण न्यूरो हस्पिटलका एक न्यूरो सर्जनले जनकपुरमै डा. विजय राउत र डा. हेमन्त साह कहाँ उपचार गराउन सल्लाह दिएका थिए । तर उनको सुझाव अघि नै यहाँ भर्ना गराइसकिएको थियो । चित नमानेपनि उपचार गराउन बसे, तर यहाँका चिकित्सक टोलीले सफल उपचार गरेर आफ्नो सालोको नयाँ जीवन सफल भएको हो ।
यस्तै सर्लाही हरिपुरका मिन्टु दासका बुवा जितेन्द्र दासले भने म्याजिक पल्टिंदा गम्भीर घाइते भएका आफ्नो छोराको बाच्न सक्ने कुनै उम्मीद नै थिएन । धेरैले काठमाडौ वा विराटनगर लग्न सुझाव दिएका थिए, पैसाको आभावमा त्यहाँ लगेनौ । बांच्छ भन्ने आश थिएन तर डा. विजय राउत र हेमन्त साह सहितको यहाँका चिकित्सक टोलीले मेरो छोरालाई नयाँ जीवन दिन सफल भएको छ । दुवै दुर्घटनाका बिरामीको न्यूरो सम्बन्धी टाउको अपरेशन गरिएको हो । यसअघि कयौंले न्युरो सम्बन्धी सफल शल्यक्रिया उपचारले नयाँ जीवन सो अस्पतालमा पाइसकेको छ ।
हस्पिटल व्यवस्थापक अजय राउतले भने आफ्नो हस्पिटल विराटनगर, चितवन र काठमाडौभन्दा निकै न्यूनदरमा न्यूरो सम्बन्धी उपचार गरिरहेको छ । बाहिर १० लाख रुपैयासम्म उपचार खर्चमा हामी बढीमा ६/७ लाख मात्र लिने गरेका छौं । उनले भने जीवन मृत्यु हाम्रो हातमा होइन । हामीले उपाचारबाट बचाउने काम मात्रै गर्ने हो । तर अहिलेसम्म हाम्रो अस्पतालमा मृत्युभन्दा बढी जीवन नै पाएको हो । अहिलेसम्म संख्यात्मक आधारमा ९२ प्रतिशतको सफल उपचारले नयाँ जीवन नै पाएको छ । ८ मात्रैलाई हामीले बचाउन सकेका छैनौं । जबकि काठमाडौ र विराटनर लगायतका ठाउँमा न्यूरो सम्बन्धी केशमा बढीमा ३०÷४० प्रतिशत सफल उपचारको मात्र तथ्यांक छ ।
दर्ता सम्बन्धी आवाज पटक पटक उठिरहेको सम्बन्धमा राउतले भने हामीले दर्ताका लागि सबै प्रक्रिया पुरा गरी फाइल सम्बन्धित मन्त्रालयमा पुरयाइ सकेका छौं । जे ढिलाई छ माथिल्लो निकायमा नै छ, तर चाँडै नै दर्ता प्रक्रिया पनि पुरा हुनेछ ।
यो विषयमा आफ्नो प्रतिक्रिया दिनुहोस् !