जनकपुरधाम, कार्तिक २८ गते । महोत्तरी क्षेत्र नम्बर २ बाट प्रतिनिधि सभाका उम्मेदवार एवं लोकतान्त्रिक समाजवादी पार्टी (लोसपा) का नेता शरतसिंह भण्डारीले मधेशको मुद्दालाई लोसपाले मात्रै अगाडि बढाएको दाबी गरेका छन ।
मधेशको नाममा मत लिएर सत्ता भोग गर्नेहरु यहाँका मुद्दा बिर्सदै गए तर लोसपा यहाँका मुद्दाहरु कहिल्यै छोड्न नसक्ने स्पष्ट पारेका छन् । मधेशवादलाई मजबुत पार्नकै लागि उपेन्द्र यादवको दललाई हामीले रेस्क्युँ गरेका थियौँ, भण्डारीले भने ‘तर उनले मधेशी जनताकै बलमा सत्तामा पुगेर धोखा गरे ।’ मंसिर ४ गतेको निर्वाचनमा उनलाई यहाँका जनताले गतिलो जवाफ दिने बताए ।
महोत्तरी २बाट प्रतिनिधिसभामा उम्मेदवारी दिएका भण्डारीले नागरिकताको विषय सदनसम्म पुग्नुमा लोसपाकै हात रहेको दावी गरे । देशकै ठूलो समस्याका रुपमा नागरिकताको यो मुद्दा समाधानकालागि लोसपाका उम्मेदवारहरुको पक्षमा मतदान गर्न मतदाताहरुलाई उनले अपिल गरे ।
यसका साथै सत्ता गठबन्धनमा आवद्ध दलहरुले देशमा संघियताको रक्षा, संविधान कार्यान्वयन, संविधान संशोधन, नागरिकता समस्या समाधानका लागि सत्ता गठबन्धनको जीत मुलुकका लागि अपरिहार्य रहेको उनको भनाई थियो ।
यो विषयमा आफ्नो प्रतिक्रिया दिनुहोस् !