महोत्तरी, कात्तिक २८ गते । आगामी मसिर ४ गते हुने प्रतिनिधि सभा र प्रदेश सभा सदस्यको निर्वाचनको मिति नजिकदैं जाँदा उम्मेदवारहरु प्रचार प्रसार सँगै घरदैलो कार्यक्रमलाई तिव्र पारेका छन ।
यसैक्रममा महोत्तरी क्षेत्र नम्बर १ (१) प्रदेश सभा सदस्यका उम्मेदवार पीताम्बर महतोले बर्दिबास नगरपालिका ३ स्थित पर्साहिधाप र राजाबास हुँदै कालापानीसम्म मतदाताको घर घरसम्म पुगेर मत मागेका छन ।
पांचदलीय सत्तारुढ गठबन्धनबाट लोसपाका उम्मेदवार महतोले घरदैलोको क्रममा जनताको समुचित विकास र भ्रष्टाचार नियन्त्रण हाम्रो प्रमुख लक्ष्य रहेको प्रतिबद्धता जनाएका छन । उनले भने हामी बोलेर होइन काम गरेर देखाउनेछु ।
महतोले बेरोजगारी समस्या समाधानका लागि सीपमूलक तालिम सँगै क्षेत्रमै रोजगारीको अवसरका लागि पहल गर्नुका साथै निशुल्क शिक्षा र स्वास्थ्य सम्बन्धी कानून कार्यान्वय गराउन पहल गर्नेछु भन्ने प्रतिबद्धता समेत जनाए ।
उनले आफ्नो क्षेत्रको पुर्वाधार विकासका लागि संसदीय कोष रकमको सही समुचित प्रयोग गर्नुका साथै स्थानीय तह र संघीय सरकारसँग पहल गर्नेछु । पछिल्लो प्रदेश सभामा बनेका कानूनहरुको कार्यान्वयन र नयाँ कानून बनाउन प्रयास गर्नेर हाम्रो क्षेत्रमा रहेका दुर्गम क्षेत्रलाई प्राथमिकतामा राखेर काम अघि बढाउनेछु भने ।
तपाईको जीतको आधार के भन्ने प्रसगमा उम्मेदवार महतोले आफू यसअघि युवाहरुको खेलकूद क्षेत्र, विकास निर्माण लगायतका क्षेत्रमा एउटा समाजसेवीको रुपमा काम गरेकाले यहाँका जनताले आफ्ना अमूल्य मत दिएर जिताउने छ विश्वास व्यक्त गरेका थिए ।
उनी सँग प्रतिनिधि सभा सदस्यका उम्मेदवार माओवादी केन्द्रका गिरीराज मणि पोखरेल समेतले घरदैलो कार्यक्रममा मतदाताको घरसम्म पुगेर मत मागेका थिए । मतदाताहरुले उनी दुवै उम्मेदवारलाई फुलमाला र टीकाले स्वागत गरेका थिए ।
यो विषयमा आफ्नो प्रतिक्रिया दिनुहोस् !