जनकपुरधाम कात्तिक ४ गते । पटक पटक एउटै व्यक्ति शरत सिंह भण्डारी भन्ने व्यक्ति चुनाव जितेर क्षेत्र नै कब्जा गरेको कारण महोत्तरी क्षेत्र नम्बर २ विकास हुन नसकेको गुनासो जिल्लाका महदैयावासीले गुनासो गरेका छन ।
तराई मधेश लोकतान्त्रिक पार्टी (तमलोपा) बाट महोत्तरी निर्वाचन क्षेत्र नं. २ को उम्मेदवार डा. विजय कुमार सिंहले चुनावी प्रचार प्रसारका लागि गरेको घरदैलोको क्रममा महदैयाका स्थानीयवासीले पीडा सुनाए ।
स्थानीयवासीले शरत सिंह यस क्षेत्रबाट पटक पटक जितेर सांसद मात्र होइन १८ पटक मन्त्री समेत भए तर यस क्षेत्रको विकासको कुरै छाडौ आफ्नो पैतृक गाउँमा औरहीमा समेत विकास गर्न नसकेको आरोप लगाउंदै पीडा पोखे ।
स्थानीयवासीले यस पटक शरत सिंह कुनैपनि हालतमा जित्नु नपर्ने अठोट सो क्षेत्रका तमलोपा उम्मेदवार डा. सिंहलाई बधाई दिदै जितको शुभकामना समेत दिए । शरत सिंहबाट सो क्षेत्रका जनता त्रसित रहेको भन्ने कुरा तमलोपा उम्मेदवार डा. सिंह समक्ष राखेको पीडाले पुष्टि हुन्छ ।
पैसा र शक्तिको आडमा चुनाव जित्दै आएका शरतसिंहलाई कुनैपनि हालतमा हराउनु पर्छ भनी अठोट लिएका पिडित अधिकांश जनता अहिले डा. सिंहको पक्षमा ओर्लेका छन । घरदैलो तथा जनतासँगको प्रत्यक्ष भेटघाटमा डा. सिंहले शरतसिंहको दम्भ यहाँका आमदाताले तोडन सक्ने भन्दै यस पटक मधेशका लागि सदैव सक्रिय नेताहरुको पार्टी तमलोपाको कलश छापमा मतदान गर्न आग्रह गरेका थिए ।
सो घर दैलो कार्यक्रम तमलोपाका अध्यक्ष एवं महोत्तरी क्षेत्र नं. ३ प्रतिनिधि सभा सदस्यको उम्मेदवार बृषेशचन्द्र लाल, क्षेत्र नं. २ को १ का प्रदेश सभा सदस्य उम्मेदवार मोहम्मद इद्रीस राइन लगायत दर्जनौ नेता कार्यकताहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !