जनकपुरधाम, असाेज २८ गते । धनुषाको निर्वाचन क्षेत्र नम्बर ४ (क) स्थित मिथिला बिहारी नगरपालिकामा कांग्रेसकाे चुनाव प्रचारप्रसार कार्यालय खाेलिएकाे छ ।
शुक्रबार एक कार्यक्रमका बीच धनुषा– ४ प्रतिनिधिसभा सदस्यका उम्मेदवार एवं कांग्रेसका सहमहामन्त्री महेन्द्र यादव र प्रदेशसभा सदस्यका उम्मेदवार शेषनारायण यादवले संयुक्त रुपमा साे कार्यालयको उद्घाटन गरेका हुन् ।
उद्घाटन कार्यक्रममा प्रतिनिधिसभा सदस्यका उम्मेदवर यादवले संघीयता विरोध र प्रतिगमनकारीलाई परास्त गर्न पाँच दल गठबन्धले एकजुट भएर चुनावी प्रतिस्पर्धामा उत्रिएको बताए । उनले संघीयता जोगाउन, गणतन्त्र जोगाउन र संविधानको रक्षा गर्न पाँच दलीयका साझा उम्मेदवारलाई जिताउन आग्रह गरे ।
त्यसैगरी, प्रदेशसभा सदस्यका उम्मेदवार शेषनारायण यादवले गठबन्धनको जीत सुनिश्चित रहेकाे बताए । उनले भने याे चुनाव मात्र नभई नागरिकता विराेधी प्रतिगमनकारी शक्ति र जनताकाे विकासका निम्ति लाेकतन्त्र पक्षधरकाे लडाई रहेकाेले यसमा सबैकाे सहयाेगकाे आवश्यकता रहेकाे छ ।
उनले देशकाे सम्मुन्नत विकासका लागि कांग्रेस बाहेक अर्काे विकल्प नरहेकाे भन्दै आउंदाे चुनावमा पनि कांग्रेस नेतृत्वकाे गठबन्धनकाे जीत सुनिश्चित रहेकाे दाबी गरे । स्थानीय तहको निर्वाचनको मत परिणामले नै गठबन्धनको जीत सुनिश्चित रहेकाे समेत दाबी गरे ।
यसैबीच कार्यालय उद्घघाटनपछि आयाेजित चुनावी सभा तथा पार्टी प्रवेश कार्यक्रममा नेकपा एमाले र जसपा सहितका पार्टी परित्याग गरी दर्जनौं नेता कार्यकर्ता हरु नेपाली कांग्रेसमा प्रवेश गरेका छन ।
यश साे क्षेत्रकाे प्रचार प्रसारका लागि जनकपुरधामकाे पिराडी चाेकमा समेत कांग्रेसकाे चुनावी प्रचार प्रसार कार्यालयकाे उद्घाटन गरिएकाे थियाे ।
यो विषयमा आफ्नो प्रतिक्रिया दिनुहोस् !