जनकपुरधाम, भदौ ६ गते । आउंदो सेप्टेम्बर महिना देखि हुन लोको नेपाल प्रिमियर लिग (एनपीएल) क्रिकेट खेलका लागि जनकपुरबाट पनि टीम सहभागी हुने भएको छ ।
नेपाल क्रिकेट संघ (क्यान) को आयोजनामा आउंदो सेप्टेम्बर २४ तारिखदेखि हुने एनपीएलमा जनकपुरको टीम जनकपुर रोयल्सले एक भारतीय कम्पनीको अनरसीपमा खेल्ने निश्चित भएको मधेश क्रिकेट संघले जानकारी दिएका छन ।
संघका प्रदेश अध्यक्ष हिरा भगतले सोमवार एक पत्रकार सम्मेलन आयोजना गरी क्यानको आयोजनामा हुन लागेको एनपीएलमा खेल्न जनकपुर रोयल्स टीम भारतको राजस्थान जयपुरका गोल्ड स्पोर्टस प्रा.लि.ले खरीद गरेको जानकारी दिए ।
जनकपुर रोयल्सले अन्तराष्ट्रिय स्तरको क्रिकेट टीममा सहभागिता जनाउने भएपछि जनकपुर चिनिने भएकोले यहाँको खेल संगै अन्य विकासमा ठूलो टेवा पुग्ने जसमा भारतको ठूलो योगदान रहने अध्यक्ष भगतले बताए ।
टीमको अनरको तर्फबाट गोल्ड स्पोर्टस प्रा.लि.का निर्देशक गौरीशंकर धमानीले खेलको क्षेत्रमा जनकपुरधामको विकासका लागि आफूले जनकपुर रोयल्स टीमलाई चयन गरेको बताए । गोल्ड स्पोर्टसले जनकपुर रोयल्स टीमलाई ८ वर्षका लागि खरीद गरेको जानकारी गराइएपनि के कति मूल्यमा खरिद गरेको सञ्चारकर्मीको जिज्ञासामा धमानीले खुलाएन ।
उनले भने जानकी माताको सेवा गर्ने सोच पहिल्यै देखि रहेकोले जनकपुरको टिम आफूहरुले खरिद गरेको छु, ‘जानकी माताले आफूलाई यहाँ बोलाएकाले जनकपुरमा खेल विकासका लागि आफू सक्दो सहयोग गर्नेछु । सो लिगमा राष्ट्रिय तथा अन्तराष्ट्रियस्तरका खेलाडी सहित देशका ६ वटा टिमले सहभागिता जनाउने छ । जसमध्ये जनकपुर रोयल्स सहित कान्तिपुर, लुम्बिनी र विराटनगर टीम ४ वटा टिम खेलका निश्चित भइसकेको छ भने अन्य दुई टीमको खोजी भइरहेको अध्यक्ष भगतले जानकारी दिए ।
जनकपुर रोयल्स टीम नाम भएको कारण जनकपुरका कति खेलाडी खेल्न मौका पाउने सञ्चारकर्मीको जिज्ञासामा धमानीले हामीले टीम र खेलाडी मात्र चयन गरी खरीद गर्ने हो, जनकपुरको वा अन्य ठाउँको कति खेलाडीलाई सहभागी गराइनेछ भन्ने कुरा आयोजक टीम क्यानमा भरपर्ने बताए ।
सो लिगमा नेपाली खेलाडीहरुका साथै विदेशी खेलाडीहरुले समेत सहभागिता जनाउने छन् । प्रतियोगितामा सहभागीका लागि ९६ जना खेलाडीले निलामी हुनेछ । निलामी हुनेमा ६६ जना नेपाली खेलाडी र ३० जना भारत, पाकिस्तान, बंगलादेश र अष्टे«लिया सहितका देशका विदेशी खेलाडी निलामीमा सहभागी हुने छन् । जनकपुर रोयल्सलाई किन्ने गोल्ड स्पोर्टस प्रा.लि. खेल सामाग्रीको एक्सपोर्ट इम्पोर्टर हुन, सो कम्पनीले रीयल स्टेटका साथै गार्मेन्टस उद्योग र खेल एकेडमिक संस्था समेत सञ्चालन गर्दै आएका छन ।
प्रतियोगितामा सहभागी हुने खेलाडीहरुको निलामीका लागि ए, बी र सी गरी तीन श्रेणीमा बाँडिएको जानकरी दिदैं अध्यक्ष भगतले खेलाडीको बेस प्राइस ५ लाख रुपैया हुनेछ । जसमध्ये ए श्रेणीका खेलाडीको १५ लाख, बी श्रेणीका खेलाडीको १० लाख र सी श्रेणीका खेलाडीको ५ लाख मूल्य राखिएको बताए ।
नेपालमा एनपीएलको सुरुवात
नेपाल प्रिमियर लिग (एनपीएल) वि.सं २०७० को फागुन १२ गते घोषणा भएको थियो । काठमाडौको ¥याडिसन होटेलमा एक पत्रकार सम्मेलन गर्दै क्यानले टी–ट्वान्टी, एकदिवसीय तथा दुई दिवसीय ढाँचाको क्रिकेट प्रतियोगिता सञ्चालित गर्ने उद्देश्यका साथ एनपीएलको घोषणा गरेको थियो ।
नेपालको राष्ट्रिय क्रिकेट टोलीले अन्तर्राष्ट्रिय क्रिकेट खेलमा राम्रो प्रदर्शन गरेपछि एनपीएल अत्याधिक चर्चा तथा पर्खाइको विषय बनेको थियो । तर, पहिलो संस्करणमा एनपीएल एकदिवसीय मात्र हुन सकेको थियो ।
सो लिगमा ६ घरेलु लिग टिमहरुको सहभागिता रहेको थियो । पहिलो संस्करणको उपाधि पञ्चकन्या तेजले जितेको थियो । फाइनलमा जगदम्बा जायन्टसलाई ९६ रनले पराजित गर्दै पञ्चकन्या उपाधि जितेको थियो । तर, अन्य ढाँचामा भने कुनै पनि खेल हुने सकेनन् । क्यान र आयोजक जोहरा स्पोट्र्स व्यवस्थापकबीच विवाद बढेपछि खेल एनपीएलमा अन्य संस्करणका खेलहरु हुन सकेका थिएनन् ।
एनपीएल पुनः संचालन गर्ने भन्ने दुई वर्षअघि नै क्यानले प्रस्ताव गरेको थियो । सो प्रस्ताव अनुसार नै एनपीएल आयोजना हुन लागेको हो ।
यो विषयमा आफ्नो प्रतिक्रिया दिनुहोस् !