जनकपुरधाम, असार ३२ गते । नेतृत्ववर्गले हैकमवादी चरित्र देखाएकाे भन्दै जनता समाजवादी पार्टि (जसपा) नेपालका ६९ जनाले सामुहिक राजिनामा दिएका छन ।
केन्द्रिय समितीको विस्तारित बैठक सम्पन्न भएको दुइ दिन नबित्दै पार्टी नेतृत्ववर्गले हैकवादी चरित्र देखाएको भन्दै ६९ जनाले पार्टी परित्यागकाे घाेषणा गर्दै राजिनामा दिएका छन् ।
शनिवार पर्साको वीरगञ्जमा एक पत्रकार सम्मेलन आयोजना गरी पार्टिका केन्द्रय अध्यक्ष उपेन्द्र यादव र मुख्यमन्त्री लालबाबु राउतले पार्टी भित्र हैकम्बादी चरित्र देखाएको भन्दै दुइ केन्द्रिय सहित ६९जना पदाधीकारीले राजिनामा दिएका छन ।
राजिनामा दिने अधिकांस पदाधिकार पर्सा क्षेत्र नम्बर ४ का रहेका छन् । राजिनामाको घोषणा पछि मुख्यमन्त्री लालबाबु राउत आफ्नै गाउपालिकामा जगरनाथपुरमा एक्कलीएका छन् ।
राजिनामा दिनेहरुमा अधिकांस मुख्यमन्त्रीकै जन्मथलो गाउपालिका पदाधिकारी तथा कार्यकर्ता हुन । केन्द्रिय सदस्य बिरेन्द्र यादव, टेक बहादुर शाक्य, प्रदेश सदस्य सलाउदिन अहमद, जिल्ला सदस्य एवम् जगरथापुर गाउँपालिका अध्यक्षका प्रत्यासी कृष्ण मोहन यादव, पर्सा निर्वाचन क्षेत्र नं. ४ का अध्यक्ष लालबाबु साह, जिराभावानी गाउँपालिका संयोजक राजबली यादव, ठोरी गाउँपालिका संयोजक राम बहादुर पाख्रिन लगायतकाले सामुहिक रुपमा राजीनामा दिई पार्टी परित्याग गरेको घोषणा गरेका छन् ।
हालै सम्पन्न भएको स्थानिय निकायको चुनावमा मुख्यमन्त्री राउतले जन्मथलोबाट सक्रिय जित्ने नेता कार्यकर्ताहरुलाइै बेवास्ता गरी परिवार मोहमा परेर श्रीमतिलाई पार्टिको तर्फबाट उपाध्यक्षमा उम्मेदावर बनाएर आफ्नो हैकमवादी चरित्र देखाएको आरोप पत्रकार सम्मेलनमा सहभागी प्रदेश सदस्य सल्लाउद्दीन अहमदले लगाए ।
पार्टीमा बढेको स्वच्छचारिताका कारण एकलौटी ढंगबाट पुराना कार्यकताहरुलाई पाखा लगाउने कार्य भएको भन्दै बिद्रोह सुरु भएको उनीहरुका भनाइ थियो ।
पार्टिमा निति, नियत र नेतृत्व प्रष्ट नभएको र संगठनात्मक संरचनाको आधारमा कार्यबिभाजना भन्दा पनि ब्यक्ती, ठेक्दार र भ्रष्टाचारी हाबी भएकोले पार्टी परित्याग गरेको केन्द्रिय सदस्य विरेन्द्र यादव बताएका छन ।
यो विषयमा आफ्नो प्रतिक्रिया दिनुहोस् !