जनकपुरधाम, असार २५ गते । स्वशासनको ५ वर्षमा देशमा भ्रष्टाचार मौलाएको आरोप लगाइएकाे छ ।
शनिवार जनकपुरधाममा तराई मधेश लोकतान्त्रिक पार्टी (तमलोपा) द्वारा आयोजित स्वशासनको ५ वर्ष विषयक संगोष्ठी कार्यक्रममा बोल्ने वक्ताहरुले देशमा संघीयता पश्चातकाे स्वशासनमा भ्रष्टाचार मौलाएको आराेप लगाए ।
कार्यक्रममा तमलोपाका अध्यक्ष वृषेशचन्द्र लालले भने विभिन्न आन्दोलन र जनताको शहादतबाट प्राप्त संघीयता सहितको स्वशासनमा भ्रष्टाचार मौलउंदै गएको छ, शासनमा पुगेकाहरु कमाउनमा व्यस्त छन ।
उनले यस ५ वर्षको अवधिमा शासनमा पुगेकाहरुले ट्रान्सपेरेन्सी दिन सकेन, भ्रष्टाचारलाई नियन्त्रण गर्नुको सट्टा झन प्रश्रय नै दियो, विकासका योजनाहरु ल्याउन सकेन, एक अर्का तहमा समन्वय हुन सकेन आरोप लगाउंदै भने यो अवधिमा विकासको नाममा मूर्ति, मन्दिर र गेट निर्माण बाहेक कुनै उत्पादकत्वको एउटा पनि ल्याउन सकेको छैन ।
अध्यक्ष लालले जबसम्म देशमा ट्रान्सपेरेन्सी कायम हुन सक्दैन, स्वशासनको अर्थ बुझ्नेहरु शासनमा जांदैन, जनतालाई प्रत्यक्ष लाभ हुने खालका उत्पादकत्व योजनाहरु तयार गरेर अघि बढदैन तबसम्म देशमा स्वशासनको अनुभुति जनताले गर्न सक्दैन भने ।
त्यस्तै वरिष्ठ ईन्जिनीयर सत्यनारायण साहले जबसम्म देशमा सुशासन कायम हुंदै तबसम्म देशमा स्वशासनको अनुभुति जनताले गर्न सक्दैन । सुशासन कायम गर्न सार्वजनिक खरीद ऐनको ठूलो महत्व रहेको छ, तर शासनमा बसेकाहरुले त्यसलाई नबुझेर हो कि बुझेर पनि सार्वजनिक खरीद ऐन विपरित काम गर्दै आएका छन ।
उनले भने स्वशासनको ५ वर्षको अवधिमा बनेका सरकारका मन्त्रीहरुले सुशासन कायम गराउनुको सट्टा सार्वजनिक खरीद ऐनको बलजफ्ती दुरुपयोग कर्मचारीहरुबाट काम गराउंदै आएका छन ।
कार्यक्रममा नेकपा एकका नेता शीतल झाले स्वशासनको आडमा यहाँका संस्कृति र पहिचानलाई मेटाउनु प्रयास गरिएको भन्दै प्रदेशको नामाकरण मधेश प्रदेशमा आपति जनाउंदै मिथिलाको इतिहास मटाएको आरोप लगाए ।
उनले भने मधेशको कुनै इतिहास छैन, तर मिथिलाको आफ्नो संस्कृति र पहिचानको विश्वकै सबैभन्दा पुरानो इतिहास हो, तर राजनितीक आडमा मिथिलाको इतिहास मेटाएर मधेशलाई खुम्चाइयो ।
नेता झाले मधेश आन्दोलनमा मात्र यही ८ जिल्लाका मधेशीले मात्र आन्दोलन गरेको थिएन । मधेशी पहिचानका लागि आन्दोलनमा होमिएका नेपालगंज र विराटनगरका पनि जनता होमिएका थिए, तर ८ जिल्लामै सिमित हुन गएपछि अब तिनीहरुको पहिचान के प्रतिप्रश्न गर्दै भने अब त उनीहरु न त मधेशी नै रहे न पहाडी न थारु ।
सो कार्यक्रममा सर्वोच्च अदालतका पुर्वन्यायधिश गिरिशचन्द्र लालले पनि आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !