जनकपुरधाम, असार २५ गते । प्रतिपक्षी दलहरुको अनुपस्थितिमा मधेश प्रदेश सरकारले आगामी आर्थिक वर्षका लागि ल्याएको विनियोजन विधेयक पारित गरेको छ ।
शनिबार बसेको मधेश प्रदेशको प्रदेशसभा बैठकबाट आर्थिक वर्ष २०७९/०८०का लागि विनियोजन विधेयक प्रदेशसभामा बहुमतले सतारूढ दलहरूले प्रतिपक्षी दलहरु लोकतान्त्रिक समाजवादी पार्टी (लोसपा) र एमालेकाे अनुपस्थितिमा पारित गरेकाे हाे ।
अर्थ मन्त्री शैलेन्द्रसप्रसाद साहले सभामा प्रस्तुत गरेकाे विनियोजन विधेयक २०७९ को दफाहरु पारित गरियो भन्ने प्रस्ताव बहुमतले पारित गरेको हो ।
प्रदेश सभा सदस्यहरुले राखेको खर्च कटौतीको प्रस्ताव प्रदेश सभाकाे बैठक अस्वीकृत गरेको छ । बजेटलाई लिएर प्रदेश सभामा सत्ताधारी दलकै सांसदहरुले विरोध जनाएका थिए ।
सतारूढ दलले बजेट पारित गराउन हवीप लगाएपनि पर्साका पारस साह सहितका प्रदेश सभा सदस्यले बैठक बहिष्कार गरेका थिए । उनले सरकारले बजेटमा आफनो पक्षले उपेक्षा गर्दै बहिष्कार गरेका थिए ।
उनीसंगै अर्का सतारूढ जसपाका प्रदेश सभा सदस्य डा. रिना यादव, भिमा यादवले समेतले बैठक बहिष्कार गरेपछि सत्ताधारी दल तनावमा आएको थियो । पछि उनिहरुसंग छलफल गरेर बैठकमा सहभागी गराइएको थियो ।
जसपाका सांसदहरूले आफुहरुले दिएको योजनाहरु नराखएिको भन्दै भौतिक पुर्वाधार विकास मन्त्री राम सरोज यादव प्रति आक्राेसित बनेका थिए । अर्थ मन्त्री साहले असार १ गते ४६ अर्ब ८८ करोड ९ लाख ४६ हजारको बजेट प्रस्तुत गरेका थिए ।
यता बैठक सुरु हुनासाथ शोक दिवसको दिनमा प्रदेश सभाको बैठक संचालन गरिएको भन्दै प्रमुख पतिपक्षी दल लोकतान्त्रिक समाजवादी पार्टी र नेकपा एमालेका प्रदेश सभाका सदस्यहरुले बैठक बहिष्कार गरेका छन ।
शनिबारको बैठक प्रारम्भ भएलगत्तै लोसपा र एमालेका सांसदहरुले नेपाल सरकारले शोक मनाउने निर्णय गरिसकेको अवस्थामा पनि बैठक बोलाएको बताउँदै उनीहरुले बैठक बहिष्कार गरिएको घोषणा गरेका हुन् ।
बैठक सुरु भएलगत्तै लोसपा सांसद परमेश्वर साह र उपेन्द्र महतो, नेकपा एमालेका सांसद किशोरी साह ‘कमल’ ले शोक घोषणा गरेका दिन बैठक बोलाएको बारे सभामुखलाई ध्यानाकर्षण गराउंदै बैठक बहिष्कार गरेका थिए ।
प्रतिपक्षी दलकाे बहिष्कारका बावजुद सभामुख सरोज कुमार यादवले बैठकलाई निरन्तरता दिएपछि ती सांसदहरूले बैठक बहिष्कार भएको घोषणा गर्दै बैठकबाट बाहिरिएका थिए ।
यो विषयमा आफ्नो प्रतिक्रिया दिनुहोस् !