जनकपुरधाम, जेठ ३१ गते । नवनिर्वाचित जनकपुरधाम उपमहानगरपालिकाका जनप्रतिनिधिहरुलाई गैरसरकारी संस्था मित्र धनुषाले एक कार्यक्रमकाबीच स्वागत तथा सम्मान गरेका छन ।
सोमवार सामी परियोजना अन्तर्गत मित्र धनुषाद्वारा सम्पन्न स्थानीय जनप्रतिनिधी हरुसंगको अन्तरक्रिया तथा स्वागत कार्यकममा उपमहानगरपालिकाका मेयर मनोज साह, उपमेयर किशोरी साह र वडा नम्बर २३, २४ तथा २५ का अध्यक्षहरुलाई सम्मान गरिएको परियोजनाका रिटर्नी स्वयंसेवक बसन्त कर्णले जानकारी दिएका छन ।
करीब ४० जना सहभागी रहेको उक्त कार्यक्रमको संचालन परियोजना संयोजक अनिरुद्ध मुखियाले गरेका थिए ।
कार्यक्रमलाई सम्बोधन गर्दै मेयर साहले वैदेशिक रोजगारीमा जानेहरु तथा तिनका परिवारहरुलाई सूचना, सीप तथा ठगिबाट जोगिनको लागि जिल्ला प्रशासन धनुषा भित्र रहेको आप्रवासी श्रोत केन्द्रमा सम्पर्क गर्न आग्रह गरेका थिए ।
जनकपुरधाम उपमहानगरपालिकाको नेतुत्वमा मित्र धनुषाले सुरक्षित आप्रवासन (सामी) परियोजना संचालन गर्दै आएको छ । सो परियिजनको मुख्य उदेश्य वैदेशिक रोजगारीलाई सुरक्षित, बढी लाभदायक तथा व्यबस्थित गर्नु हो ।
सो कार्यक्रम अन्तर्गत ५ वटा मुख्य कामहरु सुचनामा पहुच, सीपमा पहुच, न्यायमा पहुच, मनोसामाजिक परामर्श सेवा र वित्तीय साक्षरताका साथै सामाजिक परिचालन गर्दै आएको छ ।
यो विषयमा आफ्नो प्रतिक्रिया दिनुहोस् !