जनकपुरधाम, जेठ ३० गते । नागरिकता विधेयक पारितको मांग गर्दै संघीय सांसदहरु विरुद्ध तराई मधेश लोकतान्त्रिक पार्टी प्रदर्शनमा उत्रेका छन ।
सोमवार जनकपुरधाममा तमलोपाले नागरिक विधेयक पारित गर्न दबाव दिने उद्देश्यले संघीय संसदहरु विरुद्ध विरोध ¥याली प्रदर्शन गरेको छ । जनकपुरधामको जनक चौकबाट शुरु भएको सो रैली नगरको विभिन्न भागको परिक्रमा गर्दै पुनः जनक चौकमा पुगेर सम्पन्न भएको थियो ।
रैलीमा सहभागी नेता तथा कार्यकर्ताहरुले नागरिकता विधेयक अविलम्ब पारित गर, राजनीतिक दलहरु नागरिकता विधेयक बारे धारणा स्पष्ट र सार्वजनिक गर, जन्मसिद्धका सन्तानहरु नागरिकता दे, अंगीकृत नागरिकता खुल्ला लगायतका मांग गर्दै नाराबाजी समेत गरेका छन ।
राजनीतिक किचिलोका कारणा कयौं वर्षदेखि संघीय संसदमा थन्किएको नागरिकता विधेयक पारित गर्न संघीय सांसदहरुलाई दबाव दिने उद्देश्यले तमलोपाले विरोध रैली प्रदर्शन गरेको सहभागी नेताहरुले बताएका छन ।
तमलोपाका अध्यक्ष वृषेशचन्द्र लालले नागरिकताको हक सम्बन्धी अधिकार बन्धक बनाएर राख्ने कसैको निहित अधिकार नरहेकोले वर्षौदेखि थन्किएको नागरिकता विधेयक अविलम्ब पारित गर्नुपर्छ भने भएर राज्य विरुद्ध जनता सडकमा उत्रिनेछ ।
नागरिकता विधेयक विगत लामो समयदेखि संघीय सांसदहरुकै कारण पारित हुन नसक्दा जन्मसिद्ध तथा अंगीकृत नागरिकका सन्तानहरुलाई निकै समस्या झेल्नु परेकोले अब तिनीहरुलाई राज्यविहिनताको अवस्थामा नराख्न उनले मांग गरे ।
अध्यक्ष लालले संघीय सांसदहरुलाई नागरिकता विधेयक यथाशिघ्र पारित गर्न आग्रह गर्दै समस्याको निकास चाँडो भन्दा चाँडो ननिकालिए तमलोपाले आगामी दिनमा चरणवद्ध आन्दोलन गर्ने चेतावनीसमेत दिएका छन् ।
त्यस्तै संविधान सभा सदस्य एवं तमलोपाका वरिष्ठ नेता डा. विजय कुमार सिंहले नागरिकता आभावमा जन्मसिद्ध नागरिकका सन्तानहरु उच्च शिक्षा पढन पाएका छैनन, सरकारी मात्र होइन वैदेशिक रोजगारबाट समेत वञ्चित भएको र बैंकमा खाता खोल्न पाएका छैन लगायतका समस्या भोग्नु पर्ने अवस्था रहेकोले अविलम्ब नागरिकता विधेयक पारित गर्न दबाव स्वरुप रैली प्रदर्शन गरिएको बताए ।
एनले भने संघीय सांसदहरुको बदनियतीका कारण जन्मसिद्धका सन्तानहरुलाई राज्यविहिनताको अवस्था आएको छ, नागरिकता विधेयक पास गर्ने सबै दलले संविधान लागू भएदेखि नै प्रतिबद्धता जनाउंदै आएका छन । तर नियत सहि नभएको कारण हालसम्म संसदमै अडेकेको छ ।
उनले पनि नागरिकता विधेयक विरुद्धको हाम्रो आन्दोलन सिम्बौलिक मात्र हो, हामी संविधानमा त्रुटिपुर्ण रहेका ९० वटा बुंदा संशोधन सहित आम नागरिकको मूलभूत आवश्यकता पुर्तिका लागि राज्यलाई दबाव दिन हाम्रो आन्दोलन जारी रहने चेतावनी दिए ।
तराई मधेशमा व्याप्त रहेको नागरिकता समस्या राजनीतिक दलहरुको पछिल्लो निर्वाचन २०७२ सालमा पनि प्रमुख मुद्दा थियो र अब आउने निर्वाचनमा समेत मुद्दा बनाउन थालेका छन । तर ५ वर्ष बित्न लाग्दा पनि नागरिकता कानूनको समस्या ज्यूँका त्यौं रहेको रैलीमा सहभागी जनकपुरधाम उपमहानगरपालिकाका मेयरका प्रत्याशी विभा ठाकुरले बताईन ।
यो विषयमा आफ्नो प्रतिक्रिया दिनुहोस् !