जनकपुरधाम, वैशाख २९ गते । निर्वाचनको पुर्व सन्ध्या मौन अवधिमा मतदाता किन्न पैसा बांडेको एमालेका एक पक्षको अफवाहमा मुस्लिम आयोगका अध्यक्ष समीम मिया अन्सारीलाई प्रहरीले नियन्त्रणमा लिएको छ ।
बिहीवार बिहान करीब साढे ११ बजेतिर जनकपुरधाम स्थित होटल सीताशरणको रुम नम्बर ३०५ बाट प्रहरीले नियन्त्रणमा लिएको हो । दुई/तीनदेखि अध्यक्ष अन्सारी ती होटलमा बस्दै आएको थियो ।
बिहान करीब १० मुस्लिम आयोगका अध्यक्ष अन्सारी मतदाता किन्न पैसा बांडिरहेको छ भन्दै एमालेका एक पक्षका समर्थकहरुले उम्मेदवार समर्थकहरुले होटल सीताशरण घेराउ गरेको थियो ।
एमाले समर्थकले होटल घेराउ गरेपछि अप्रिय घटना हुन सक्ने सम्भावित कुराको दृष्टिगत गर्दै नेपाल तथा शसस्त्र प्रहरीको कडा सुरक्षा लगाइएको थियो । कडा सुरक्षाकै बीच एमाले समर्थकहरुले हो हल्ला गर्न थालेपछि जिल्ला प्रहरी कार्यालय धनुषाबाट खटिएका प्रहरी टोलीले बिना कुनै चेकजाँच गरी अध्यक्ष अन्सारीलाई नियन्त्रणमा सकुशल उद्धार गर्दै विमान स्थल पुरयाएको छ ।
अध्यक्ष अन्सारीलाई उद्धार गर्ने क्रममा एमाले समर्थकहरुले अन्सारी बसेको प्रहरी गाडीमा आक्रमण गर्न थालेपछि प्रहरीले लाठी चार्ज समेत गरेको थियो । सो क्रममा एमालेका नगर अध्यक्ष सुरेन्द्र भण्डारीलाई नियन्त्रणमा समेत लिएको छ । पैसा बांडेकाे अफवाह एमालेका सचिव रघुवीर महासेठका उम्मेद्वार शिवशंकर साह (हिरा) पक्षका समर्थकहरूले फैलाउंदै हाेटल घेराउ गरेकाे थियाे । पक्राउ परेका भण्डारी सचिव महासेठ पक्षधर हुन ।
यसैबीच जिल्ला प्रहरी कार्यालयका प्रवक्ता प्रदीप बहादुर क्षेत्रीले एमाले पक्षका केही व्यक्तिले अध्यक्ष अन्सारी मतदाता किन्न पैसा बांडिरहेको छ भन्दै होटल घेराउ गरेको थियो । अप्रिय घटना हुन सक्ने दृष्टिगत गर्दै उनलाई सुरक्षा दिएर सकुशल उद्धार गरी विमान स्थलसम्म पुरयाइएको बताए ।
उनले भने अध्यक्ष अन्सारी विशेष कामले जनकपुरधाम आउनु भएको थियो । त्यसक्रममा एमाले निकट प्रदेश सभा सदस्यहरुसँग भेटघाट गरेको हो । उहाँ हाेटलमा खाना खान बसेकाे बेला एमालेकै एक पक्षले पैसा बांडिरहेको अफवाह फैलाएर होटल घेराउ गरेको थियो ।
आरोप बारे अध्यक्ष अन्सारीको खानतलासी किन गरिएन बारे प्रवक्ता क्षेत्रीले भने पैसा बांडेको लिने र दिने एकजना पनि फेला परेको छैन । जहाँसम्म खानतलासीको कुरा संवैधानिक आयोगका अध्यक्षलाई खानतलासी गर्ने अधिकार हामीसँग छैन, रंगेहात पक्राउ परेको खण्डमा हामी केही गर्न सक्थ्यौ तर हल्लाकै भरमा खानतलासी गर्न मिल्दैन ।
यो विषयमा आफ्नो प्रतिक्रिया दिनुहोस् !