जनकपुरधाम, वैशाख २२ गते । धनुषाको हंसपुर नगरपालिकाका लागि लोकतान्त्रिक समाजवादी पार्टी (लोसपा) बाट मेयर पदका उम्मेदवार बेरोजगार समस्या समाधान गर्न सीपमूलक तालिक तथा सहुलियत ऋणको व्यवस्था गर्ने व्यवस्था गर्ने प्रतिबद्धता जनाएका छन ।
बिहीवार नगरपालिकको वडा नम्बर २ मा घरदैलो कार्यक्रमको क्रममा निवर्तमान मेयर समेत रहेका मण्डलले भने टुक्रे योजनाहरुको काम पहिलो कार्यकालमा सम्पन्न गरिसकेको भन्दै अब नितीगत योजना बनाएर दिर्घकालिन विकासका लागि काम गर्नेछु ।
उनले बेरोजगारी समस्या समाधानका लागि युवा स्वरोजगार, सीपमूलक तालिम, नगरपालिकाबाट विभिन्न स साना उद्योग स्थापना र सहुलियत दरमा ऋण उपलब्ध गराउने लगायतका व्यवस्था गर्ने प्रतिबद्धता जनाए ।
मण्डलले भने शिक्षित युवाहरुका लागि नगरभित्रै विभिन्न निकाय स्थापना गरी रोजगारमा लगाउने, प्राविधिक शिक्षा हासिल गरेकाहरुलाई इन्जिनीयरिङ्ग वर्कसप, एप्लीकेशन निर्माण, हार्डवेयर सम्बन्धी कार्यमा लगाउने, वैदेशिक रोजगारमा जानेलाई स्थानीयस्तर सीपको व्यवस्था र सीप हासिल गरेकाहरुलाई सहुलियत दरमा ऋणको व्यवस्था लगायतका काम अगाडि बढाइनेछ ।
स्थानीय तह निर्वाचनलाई लिएर चुनावी प्रचार प्रसारमा घरदैलोमा पुगेका मण्डललाई स्थानीयले हर्षित देखिएका थिए । बुढापाकाहरुले उनलाई जीतको आग्रिम विजयी सहितको आर्शिवाद दिएका थिए ।
यो विषयमा आफ्नो प्रतिक्रिया दिनुहोस् !