जनकपुरधाम, वैशाख २० गते । यही वैशाख ३० गते हुने स्थानिय तह निर्वाचनका लागि धनुषाको हंसपुर नगरपालिकाका मेयर रामज्ञान मण्डलले घरदैलो कार्यक्रमलाई तिव्र पारेका छन ।
लोकतान्त्रिक समाजवादी पार्टी (लोसपा) बाट उम्मेदवार रहेका मण्डलले हंसपुर नगरपालिकाको वडा नम्बर ९ को मोरहा रुदौली, ६ को सोनगमा र ४ को तिसियाहीमा घरदैलो कार्यक्रम सम्पन्न गरेका छन ।
निष्ठावान, विकासप्रेमी, कम बोल्ने, काम धेरै गर्ने स्वच्छ छविका निवर्तमान मेयर समेत रहेका उम्मेदवार मण्डल यति बेला जनताको घरधैलोमा भोट माग्दै हिडिरहेका छन् । हंसपुरको समस्या नजिकबाट बुझेका र त्यसलाई समाधान गर्ने सक्ने क्षमता भएको कारण पनि उनी पछिल्लो पटक निर्वाचित भएका थिए र यस पटक पनि समग्र विकासका लागि उम्मेदवारी दिएका छन ।
घरदैलो कार्यक्रमको क्रममा मण्डलले आफ्नो पछिल्लो कार्यकालमा हंसपुर नगरपालिकालाई चिनाउने काम गरेको र अब बांकी रहेका योजनाहरुलाई पुरा गर्दै जनताको शिक्षादेखि रोजगारसम्मको नितीगत विकासको योजना कार्यान्वयनमा ल्याउने नगरवासीसँग प्रतिबद्धता जनाएका छन ।
उनी जनताको प्रतिक्रियाबाट उत्साहित भएका छन् । जनताको सेवामा आफु सधै लाग्ने स्पष्ट पारे । उनी आफुले बाँचा गरेका कुरा पुरा गर्ने बताए । बोलेर होइन काम गरेर देखाउँछु । पुनः एक पटक मौका दिन मतदातालाई आग्रह गरेका छन् । मतदातालाई कहिले पछुतो हुन नदिने मण्डल बताउँछन् । राजनीतिलाई सेवाको रुपमा लिने निर्वतमान मण्डल भन्छन् म जनताको सेवाको लागि आएको हो, म जनताको सेवक हुँ ।
उनले आफुले विगतमा गरेको काम जनताको विकासको प्रारम्भिक चरण मात्र हो, अब त्यसलाई पुर्णता दिन दिर्घकालिन विकासका योजनाहरु अघि बढाउने भिजन लिएर अघ बढेको बताउँछन ।
समावेशिता र उत्कृष्टताको सिद्धान्तलाई लागु गर्ने, समृद्ध र सुन्दर हंसपुर नगर सांस्कृतिक तथा कृषि पर्यटन, प्रकृतिमैत्री उद्योग, फोहोरको दीगो व्यवस्थापन, सर सफाईलाई प्राथमिकता, वृक्षारोपण तथा हरियाली पार्कहरु निर्माण गर्ने, शान्ति र सुरक्षा नगरको आकांक्षा सुरक्षा निकायहरुलाई सशक्त बनाउँदै टोल सुधार समितिहरु गठन गरी शान्ति र सुरक्षाकी लागि स्थानिय तहबाट नै सुधारका कार्यक्रमहरु बढाउने प्रतिबद्धता जनाएका छन ।
यो विषयमा आफ्नो प्रतिक्रिया दिनुहोस् !