जनकपुरधाम, वैशाख १९ गते । आसन्न स्थानीय तह निर्वाचनका लागि धनुषाको हंसपुर नगरपालिकाका मेयर रामज्ञान मण्डलले घरदैलो कार्यक्रमलाई तिव्र पारेका छन ।
हंसपुरको समस्या नजिकबाट बुझेका र त्यसलाई समाधान गर्ने सक्ने क्षमता भएका निष्ठावान, विकासप्रेमी, स्वच्छ छविका उम्मेदवार मण्डलले नगरपालिकाको दिर्घकालिन समग्र विकासका लागि पुनः एक पटक जनताको बीचमा आएको बताएका छन ।
राजनीतिलाई सेवाको रुपमा लिने निर्वतमान मण्डल भन्छन् म पछिल्लो पटक पनि जनतासँग गरेको अपेक्षा अनुसार काम गर्न सफल भएको छु, तर त्यो हंसपुर नगरपालिकालाई व्यवस्थित तथा चिनाउने काम मात्र गरेको छु । अब नगरपालिका तथा स्थानीयको विकासका लागि दिर्घकालिन विकासका योजनाहरु लिएर नयाँ भिजनका साथ जनता सामु उनीहरुको आग्रहमा पुनः एक पटक आएको हुँ ।
समावेशिता र उत्कृष्टताको सिद्धान्तलाई लागु गर्ने, समृद्ध र सुन्दर हंसपुर नगर सांस्कृतिक तथा कृषि पर्यटन, प्रकृतिमैत्री उद्योग, फोहोरको दीगो व्यवस्थापन, सर सफाईलाई प्राथमिकता, वृक्षारोपण तथा हरियाली पार्कहरु निर्माण गर्ने, शान्ति र सुरक्षा नगरको आकांक्षा सुरक्षा निकायहरुलाई सशक्त बनाउँदै टोल सुधार समितिहरु गठन गरी शान्ति र सुरक्षाकी लागि स्थानिय तहबाट नै सुधारका कार्यक्रमहरु बढाउने प्रतिबद्धता जनाएका छन ।
साथै सामुदायिक हितका कार्यक्रमहरुलाई प्राथमिकतामा राष्ट्रिय गौरवका कार्यक्रमहरु निर्माण गरी लागु गर्ने, सांस्कृतिक, कृषि तथा औद्योगिक शहरको रुपमा हंसपुरलाई विकास गर्ने, सांस्कृतिक खोज तथा अनुसन्धान गरी विभिन्न माध्यमबाट यसको प्रचार प्रसार गर्ने बताएका छन ।
सो घर दैलो कार्यक्रममा उपमेयरका उम्मेदवार दिपिका सादा, वडा नम्बर ४ का अध्यक्षका उम्मेदवार लालबाबु यादव र जिल्ला सदस्य इस्लाम कवारी लगायतका व्यक्तिहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !