जनकपुरधाम, वैशाख १७ गते । आउंदो स्थानीय तह निर्वाचनका लागि मेयर पदका लागि जनकपुरधाम उपमहानगरपालिकामा लोकतान्त्रिक समाजवादी पार्टीका उम्मेदवार प्रतिष्पर्धामा अगाडि देखिएका छन ।
लोकतान्त्रिक समाजवादी पार्टी (लोसपा) पार्टीका उम्मेदवार मनोज चौधरी अग्रस्थानमा देखिएपनि र स्वतन्त्र उम्मेदवार जानकीराम साह र बलराम महतो पनि प्रतिष्पर्धामा रहेका छन । बीच त्रिपक्षीय प्रतिष्पर्धा हुने देखिएको छ ।
प्रतिष्पर्धामा अग्रस्थानमा रहेका लोसपाका उम्मेदवार चौधरी विभिन्न संघ संस्थाका सफल नेतृत्वकर्ता रहेको छ भने स्वतन्त्र उम्मेदवार जानकीराम साह वडा नम्बर ७ का निवर्तमान वडाध्यक्ष र बलराम महतो ठेकेदार पृष्ठभूमिबाट भएपनि समाजसेवी छन ।
पछिल्लो स्थानीय तहमा भारी मतले चुनाव जितेका तात्कालिन राष्ट्रिय जनता पार्टी हालको लोसपा रहेकोले उपमहानगरपालिकामा मजबूत संगठनको रुपमा मानिएको छ । पछिल्लो निर्वाचनभन्दा अझै संगठन विस्तार भएकोले लोसपा जनकपुरधाम उपमहानगरमा अन्य दलभन्दा मजबूत स्थितिमा रहेको लोसपाको दाबी रहेको छ ।
लोसपाका नगर अध्यक्ष समेत रहेका उम्मेदवार चौधरीले विचार र अधिकारको लागि संघर्षरत लोसपासँग जनताको साहनुभुति र संगठनको सक्रियताले हाम्रो सुनिश्चित रहेको भने । उनी भन्छन विगतको स्थानीय तहको निर्वाचनमा जनताको साथ तात्कालिन राजपासँग थियो, अहिले सो साहनुभुति र साथ लोसपासँग रहेको छ ।
जनकपुरधामका मतदाताहरु मधेशी जनताको हकहितको लडने लोसपा नै रहेको र लोसपाप्रति माहौल बन्दै गएकोले अहिलेसम्मको अवस्थामा मजबूत स्थितिमा रहेको छ । मुस्लिम समुदायपनि लोसपा उम्मेदवार चौधरीप्रति आकर्षित हुदै गएको कारण माहौल बन्दै गएको छ । यसका साथै पछिल्लो निर्वाचनमा निर्वाचन समितिको संयोजकको भूमिका निर्वाह गर्दै तात्कालिन राजपाका मेयरका उम्मेदवार, प्रतिनिधि सभा र प्रदेश सभाका उम्मेदवारलाई जिताउन सफल भएका हुन ।
जनकपुरधाम वडा नम्बर ११ का सुरेश साहले भने लोसपाका उम्मेदवार मनोज चौधरी चार÷चार कार्यकाल बस व्यवसायी संघ, ग्यास व्यवसायी संघको अञ्चल समितिको समेत सफल नेतृत्वको अनुभव बोकेका व्यतिm हुन, जसमा विकास गर्ने क्षमता र व्यवहारिक तथा समाजसेवी पनि हुन ।
चौधरीसँग संगठन चलाउन सक्ने क्षमता रहेको छ, विकास निर्माणको नितीगत योजना समेत रहेको कारण जनकपुरधामको उपमहानगरपालिकाका लागि उपयुक्त प्रमुख हुने जनकपुरधाम वडा नम्बर १२ परमेश्वर साह बताउंछन । उनी भन्छन लोसपासँग जातीय मत मात्र नभई उनको समाजसेवी आचरणले अन्य समुदायका जनताहरु पनि उनको साथ रहनेछ ।
त्यस्तै स्वतन्त्र उम्मेदवार बलराम महतो पनि प्रतिष्पर्धामा देखिएको छ । उनी राजनीतिक संगठनबाट नभएपनि समाजसेवी व्यक्ति हुन । जसको समाजमा विभिन्न लगानी रहेको छ । उनी विकासको नारा मात्र होइन सेवाको भाव लिएर समेत चुनावी मैदानमा उत्रेका छन । उनले आफूले जनकपुरधाम क्षेत्रमा गरेको कार्यको मूल्यांकन जनताले गर्ने बताउनु हुन्छ ।
त्यस्तै प्रतिष्पर्धामा अर्का स्वतन्त्र उम्मेदवार जानकीराम साह पनि अगाडि देखिएको छ । उनी वडाध्यक्ष रहेकोले आफ्नो वडामा उपमहानगरको बजेटका साथै आफ्नो निजी लगानीमा गरेको पीसीसी ढलान, स्ट्रील लाइट जडान लगायतका कयौं विकासे काम गरेको कारण वडावासीका लागि मात्र जनकपुरधामकै लोकप्रिय नेताको रुपमा स्थापित भइसकेकोले प्रतिष्पर्धामा देखिएको छ ।
यी तीनजना प्रतिष्पर्धी बाहेक स्वतन्त्रबाट मनोज साह, सत्तारुढ गठबन्धनबाट जसपाका लालकिशोर साह, तमलोपाबाट विभा ठाकुर र जनमतबाट अनितादेवी साह सहित अन्य ३८ जना थप उम्मेदवार छन । यी उम्मेदवारहरु मध्ये मनोज कांग्रेसका बागी उम्मेदवार हुन भने, तमलोपाकी विभा ठाकुर मधेशकै प्रभावशाली नेतृ हुन । नेतृ ठाकुर विगतका मधेश आन्दोलनमा सक्रिय भूमिका निर्वाह गरी छुट्टै पहिचान बनाउन सफल भएकी हुन । यदि चुनाव रेसमा गणना गर्ने हो भने उनी पनि एक हुन किनकी उनीसँग मधेश आन्दोलनका साथीहरुका साथै फोर कास्टको मत रहेकोले प्रतिष्पर्धामा उनको पनि नाम आइरहेको छ ।
यो विषयमा आफ्नो प्रतिक्रिया दिनुहोस् !