जनकपुरधाम, वैशाख १४ गते । जनकपुरधाम उपहानगरपालिका लागि मेयरका उम्मेद्वार निवर्तमान मेयर लालकिशोर साहले आफ्नो कार्यकालमा गरेको उपलब्धि सार्वजनिक गरेका छन् ।
आसन्न स्थानीय तह निर्वाचनका लागि मनाेयन दर्ता पश्चात् बुधबार बिहान पत्रकार सम्मेलन आयोजन गरी साहले आफ्नो कार्यकालमा गरेको कार्य र भावी याेजना सार्वजनिक गरेका हुन । उनले अधुराे याेजना पूरा र नयां याेजना कार्यान्वयनमा ल्याउन आफुले पुनः मेयरका लाग उम्मेदवारी दिएकाे भने ।
उनले आफ्नाे साढे ४ वर्षे कार्यकालमा एडीबी ऋण अनुदान सहित आईयुडीपी परियाेजना अन्तर्गत सडक तथा ढल निर्माण गराई जनकपुरधामकाे मुहार फेर्न सफल भएपनि फाेहाे व्यवस्थापनका लागि ल्याण्डिफल साइट निर्माण गर्न सकेनाै भनी दुख प्रकट गरे ।
निर्वतमान मेयर साहले भारतीय प्रधानमन्त्री नरेन्द्र माेदी र भारत युपीका मुख्यमन्त्री याेगी आदित्यनाथकाे आफ्नाे कार्यकालमा जनकपुर भ्रमण सफल भएकाे भन्दै प्रदेशकाे राजधानी जनकपुरधाम कायम गराउन सफल भएकाे भन्ने आफ्नाे उपलब्धी समेत गनाए ।
जनकपुरधाममा अन्तर्गतका अलपत्र परेका कामहरुमा समन्वयकारी भूमिका, बाटोघाटो, पर्यटन प्रवद्र्धन, शिक्षा, स्वास्थय क्षेत्रमा फड्को मारेको दावी गर्दै शहीदहरूकाे सम्मानमा सहिद गेट निर्माणलाई आफ्नाे ठुलाे उपलब्धी रहेकाे र माता सीताले धनुष उठाउंदै गरेकाे दृश्य सहितकाे र राजा सलहेशकाे प्रतिमा सहितकाे थप दुईवटा गेट आउंदाे कार्यकालमा पूरा गर्ने उनले बताए ।
गठबन्धन दल अनुपस्थित
साह पाँचदलीय गठबन्धनका उम्मेद्वार भएपनि साे पत्रकार सम्मेलनमा कांग्रेसका उम्मेद्वार बाहेक साे पार्टी नेताहरू तथा अन्य दल अनुपस्थित देखिए ।
केन्द्रमा गठबन्धन गरेपछि जनकपुरधाममा कांग्रेसको नगरसमितिले त्यसको विरोध गरेका थिए । गठबन्धन विरूद्ध कांग्रेसबाट मेयर पदका लागि नगर सभापति मनाेज साह राजीनामा दिई बागी उम्मेदवार भइसकेकाे छ ।
यो विषयमा आफ्नो प्रतिक्रिया दिनुहोस् !