जनकपुरधाम, वैशाख १२ गते । धनुषाको क्षीरेश्वरनाथ नगरपालिकाको स्थानीय तहको निर्वाचनमा मेयर पदका लागि नेपाली काँग्रेसबाट अन्ततः निवर्तमान मेयर योगेन्द्र पजियार नै उम्मेदवार बनेका छन ।
यसअघि नगर सभापति लालबाबु यादवले आफ्नो एकल नाम सिफारिस गरेपछि र प्रदेश समितिले जिल्ला सभापति उम्मेदवार हुन नपाउने निर्णय गरेपछि निवर्तमान मेयर पजियारको टिकट धरापमा परेको थियो ।
नगर सभापतिको सिफारिसलाई सदर गर्र्दै प्रदेश कमिटीले लालबाबु यादवलाई नै टिकट दिएका थिए । पछि पजियारले पनि नगर उपसभापति र सचिवको बैठक गराई आफ््नो एकल नाम सिफारिस केन्द्रमा पठाएको थियो । निकै रस्साकस्सीपछि केन्द्रिय कमिटिबाट पजियारलाई अधिकारिता दिएपछि उनी उम्मेदवारी दिएका हुन ।
सोमबार दिउँसो महेन्द्रनगर स्थित स्थानीय तहको निर्वाचन अधिकृतको कार्यालय पुगेर पजियारले आफ्नो उम्मेदवारी दर्ता गराएका हुन् । पजियारसँगै उपमेयरमा नेपाली काँग्रेसबाट उपमेयरको टिकट पाएकी रचना श्रेष्ठ माथेमाले आफ्नो उम्मेदवारी दर्ता गराएकी छन् । पजियार र माथेमा दुबैजना काँग्रेसबाट २०७४ को निर्वाचनमा निर्वाचित भई कार्यकाल पुरा गरिसकेका छन् ।
क्षीरेश्वरनाथ नगरपालिकाका मेयर पदमा नेकपा एमालेको तर्फबाट सुखदेव यादवले मनोनयन दर्ता गराएका छन् । यस्तै एमालेले उपमेयरमा सोनाली चौधरीले टिकट दिएकोमा उनले उम्मेदवारी दर्ता गराएकी छिन् । नेकपा एसबाट क्षीरेश्वरनाथ नगरपालिकाको मेयरको टिकट पाएका शिवशंकर प्रसाद सिंहले मनोनयन दर्ता गराएका छन् ।
सोमबार दिउँसो महेन्द्रनगर स्थित स्थानीय तहको निर्वाचन अधिकृतको कार्यालय पुगेर सिंहले आफ्नो उम्मेदवारी दर्ता गराएका हुन् । सिंहसँगै उपमेयरमा नेकपा एसबाट निर्मला यादवले उम्मेदवारी दर्ता गराएकी छन् ।
यो विषयमा आफ्नो प्रतिक्रिया दिनुहोस् !