जनकपुरधाम, वैशाख १० । लोकतान्त्रिक समाजवादी पार्टी (लोसपा) ले जनकपुरधाम उपमहानगरपालिकाको मेयर र उपमेयर पदको उम्मेदवार छानेको छ ।
केन्द्रिय समितिको बैठकबाट नगर अध्यक्ष मनोज चौधरीलाई मेयर र उपमेयर रहिसकेकी रीता मिश्रलाई पुनः दोहरयाउने निर्णय गरेको छ । टिकट सुनिश्चित भइसकेपछि चुनाव तयारीका लागि चौधरी आज काठमाडौबाट जनकपुरधाम दलबल आउंदैछ । उनको स्वागतमा सयौं नेता कार्यकर्ता विमानस्थलमा घण्टौदेखि कुरिरहेका छन ।
लोसपामा मेयर पदका प्रदेश सांसद परमेश्वर साह र चौधरी कसलाई दिने भन्नेमा सकस थियो । दुई दिनको बैठक पश्चात अन्ततः केन्द्रिय समितिले चौधरीलाई नै टिकट दिने निर्णय गरेको छ ।
लोसपाबाट मेयरमा प्रदेश सांसद सदस्य परमेश्वर साह, मनोज चौधरी, जानकीराम साह, संजय चौधरी र अमर पजियारको नामको सिफारिस गरिएको थियो । जानकीराम टिकट पाउने सम्भावना नदेखेपछि एमालेमा प्रवेश गरि सकेका छन ।
चौधरी यसअघि संविधान सभाको निर्वाचनमा समेत तात्कालिन राष्ट्रिय समाजवादी पार्टीबाट धनुषा क्षेत्र नम्बर ४ मा चुनाव लडिसकेका छन । मेयरका उम्मेदवार चौधरीको यसअघिको विभिन्न संघ संस्थाको नेतृत्व तथा कार्यकाल सफल रहेको छ । पार्टीका केन्द्रिय सदस्य रहिसकेका चौधरी लोसपा जिताउ अभियान अन्तर्गत उपमहानगरको वडाहरुमा संगठन विस्तार निकै कडा मेहनत गरेका छन ।
तात्कालिन जनकपुर अंचल बस व्यवसायी संघमा सदस्यबाट प्रवेश गरेका चौधरी गत १६ वर्षको अवधिमा दुर्घटना बीमाका संयोजक हुँदै मेयर पदका प्रत्याशी चौधरी अहिले माँ जानकी यातायात प्रा.लि. का अध्यक्ष समेत रहेका छन । बस व्यवसायी संघमा तीन कार्यकाल र माँ जानकी यातायात प्रा.लि.मा वर्तमान कार्यकाल सहित चौथो कार्यकाल सम्भाल्न सफल भएका छन ।
यसका अतिरिक्त उनी जनकपुर अञ्चल ग्यास व्यवसायी संघमा सदस्य देखि अध्यक्षसम्मका करीब ८ वर्ष सफलतापुर्वक कार्यकाल पुरा गरिसकेका छन । जनकपुर पेट्रोलियम एशोसिएनमा समेत उनी एक कार्यकाल उपाध्यक्षको जिम्मेवारी निर्वाह गरिसकेका छन ।
सालिन एवं सहयोगी सेवाभावका व्यक्ति चौधरी संघ संगठन बाहेक चौधरी आफ्नो राजनीतिक जिम्मेवारी पनि पुर्ण रुपमा पछिल्लो निर्वाचनमा सफल पारेका छन । उनी भन्छन दिनरातको अथक मेहनत र लगनशीलताले धनुषा क्षेत्र नम्बर ३ बाट प्रतिनिधि सभा सदस्यमा राजेन्द्र महतो, प्रदेश सभामा परमेश्वर साह र जनकपुरधाम उपमहानगरपालिकाको मेयर, उपमेयर तथा एक दर्जनभन्दा बढी वडाध्यक्ष भारी मतले जिताउन सफल भएका छौं यस पटक नगरवासीको आग्रहमा आफै सेवा गर्न चुनावी मैदानमा उत्रेका छौं ।
नगरवासीको माया स्नेहका साथै पार्टी समेतले जनताको सेवा गर्न अवसर जुडाएकोले दिनरात मेहनत गरेर मेयर होइन सेवक बन्नेछु । नगरवासीले सेवा गर्न मलाई अवसर दिन्छन भन्नेमा आफू आशावादी छु ।
जनताको आर्शिवाद आफू सँग रहेको भन्दै चौधरीले जितेपछि फोहोरले लथालिङ्ग बनेका जनकपुरधामलाई ल्याण्डफिल्ड साइटको अविलम्ब व्यवस्था गरी सफा र स्वच्छ नगरको रुपमा विकास गर्ने, नगरलाई स्मार्ट सिटीको रुपमा व्यवस्थापन, दलित, पिछडिएका वर्ग, बेरोजगार युवा तथा महिलाको उत्थान तथा उद्यमशीलताका लागि सहुलियत दरमा ऋण व्यवस्थापन, विभिन्न सीप तालिमको व्यवस्था, खानेपानीको व्यवस्थापन र जनकपुरधामलाई नामको धाम होइन व्यवहारिकतामा परिणत गर्ने प्रतिबद्धता जनाएका छन ।
यो विषयमा आफ्नो प्रतिक्रिया दिनुहोस् !