जनकपुरधाम, बैशाख ६ । डा. सीके राउत नेतृत्वको जनमत पार्टीले आसन्न स्थानीय तहको निर्वाचनका लागि पालिमाहरूकाे उम्मेदवारको टुंगो लगाएको छ ।
जनमतको केन्द्रीय कार्यकारिणी समितिले अहिलेसम्म १ सय ११ वटा पालिकाको प्रमुख तथा उपप्रमुखको टुंगो लगाई सकेकाे छ ।
मंगलवार जनमतको बसेकाे बैठकले जनकपुरधाम उपमहानगरपालिकाको नगरप्रमुखमा पार्टीको केन्द्रीय सचिव समेत रहेकी अनिता देवी साहलाई उम्मेदवार बनाउने निर्णय गरिएको डा. सीके राउतको सचिवालयले जनाएको छ ।
यसअघि सोमबार जनमत पार्टीले ३० जिल्लाबाट सिफारिस भई आएका उम्मेदवारहरूबाट १ सय १० वटा पालिकाकाे प्रमुख, उपप्रमुख/अध्यक्ष उपाध्यक्ष सहितकाे पदाधिकारीकाे टुंगाे लगाएकाे थियाे । जनमतले निर्णय गर्न बाँकी रहेका वा दाबी विरोधबाट ‘विचाराधीन’ अवस्थामा पुगेका उम्मेदवारहरू बारे निर्णय पछि गरिने पार्टीका केन्द्रीय महासचिव चन्दन सिंहले जनाएको छ ।
जनमत पार्टीले वैशाख ७ र ८ गते जनकपुरधाम, विराटनगर र भैरहवाबाट वडाध्यक्षको टिकट वितरण गर्ने उनले जानकारी दिएमा छन ।
उनले विभिन्न पालिकामा एकभन्दा बढी आंकाक्षी रहे पनि एक ढिक्का भएर उत्साहका साथ मेयर, उपमेयर, अध्यक्ष, उपाध्यक्ष र वडाअध्यक्षसहित सदस्यहरुको नाम टुंगो लागेको बताए ।
यो विषयमा आफ्नो प्रतिक्रिया दिनुहोस् !