जनकपुरधाम, चैत २१ गते । मधेशका राजनीतिमा जातीय फ्याक्टर ठूलो समस्या रहेको लोकतान्त्रिक समाजवादी पार्टीका नेता शरतसिंह भण्डारी बताएका छन ।
सोमवार जनकपुरधाममा सञ्चारकर्मीहरुसँग कुरा गर्दै नेता भण्डारीले भने मधेशको राजनीतिमा सबैभन्दा ठूलो समस्या जातिवाद रहेको छ, यसलाई अन्त्य नगरेसम्म अधिकार सम्पन्न मधेशको परिकल्पना गर्न असम्भव छ ।
उनले भने मधेश आन्दोलनका क्रममा सबै एक ढिक्का भएपनि अधिकार प्राप्तिको आन्दोलनमा जातिवाद हावी भएको कारण अहिलेसम्म मधेश अधिकार सम्पन्न हुन सकेको छैन । जबसम्म जातीय राजनीतिको अन्त्य हुँदैन तबसम्म मधेशमा स्वच्छ राजनीति र अधिकार सम्पन्नताको प्रयास असफल नै हुनेछ ।
नेता भण्डारीले अहिलेको सत्ता गठबन्धन अप्राकृतिक गठबन्धन भएको पनि टिप्पणी गर्नुभयो । उहाँले यो गठबन्धनसँग कुनै सैद्धान्तिक र वैचारिक आधार नभएको पनि बताउनुभयो । उहाँले पाँच दलीय गठबन्धनले लोकतन्त्रलाई कमजोर पार्ने काम गरेको पनि आरोप लगाए ।
उनले स्थानीय तहमा आवश्यकताका आधार गठबन्धन हुन सक्ने पनि स्पष्ट पार्दै भने आफूहरू सरकारमा जान लालायित नभएको स्पष्ट पारे । नेता भण्डारीले आफूहरूले चुनावलाई आन्दोलनको रूपमा लिएको भन्दै लोकतन्त्रमा विश्वास गर्ने पार्टीसँग चुनावमा गठबन्धन हुन सक्ने बताए ।
यो विषयमा आफ्नो प्रतिक्रिया दिनुहोस् !