जनकपुरधाम । धनुषाको मुखियापट्टीमा निशुल्क मोतियाविन्दु शल्यक्रिया शिविर सम्पन्न भएको छ ।
नेपाली कांग्रेस धनुषा क्षेत्र नम्बर ३ का सहसचिव तथा सामाजिक विकास परियोजनाका स्थानीय सतीशचन्द्र यादवको आयोजना र श्रीजानकी आँखा अस्पतालको सहयोगमा गरिएको सो निशुल्क शिविरमा पांच सयभन्दा बढी आँखाका बिरामीहरुले चेकजाँच गराएका छन ।
मुखियापट्टी गाउँपालिका वडा नम्बर २ मा गत बिहीवार सम्पन्न सो आँखा शिविरमा चेकजाँच गराएका बिरामीहरुलाई निशुल्क औषधि, चश्मा दिनुका सााथै शल्यक्रिया समेत गरिएको यादवले जानकारी दिएका छन ।
शिविरमा आँखा पाक्नु, मोतियाविन्दु, आँखा दुख्नु, दृष्टिविहिन लगायतका आँखा बिरामीहरुको चेकजाँच गरिएको थियो भने ती बिरामीहरुलाई आँखा रोग विशेषज्ञ डा. रुदल प्रसाद साहको नेतृत्वमा ४ सदस्य चिकित्सकहरुको टोलीले चेकजाँच गरेका थिए ।
शिविरमा मोतियाबिन्दु रोग देखिएका १ सय ९० जना बिरामीको जानकी आँखा अस्पतालमै आइतवार नै निशुल्क शल्यक्रिया समेत अस्पताल विकास समितिका कोषाध्यक्ष संजय साहले जानकारी दिएका छन ।
शल्यक्रिया गरिएका मोतियाविन्दु रोगीहरुलाई सोमवार बिहान रि चेकजाँच गरी चश्मा तथा औषधि दिएर सोमवार बिहान डिस्चार्ज गरिएको जनाइएको छ । शतीशचन्द्रको अध्यक्षतामा गरिएको शिविरको उद्घाटनमा प्रदेशका भौतिक पुर्वाधार विकास मन्त्री रामसरोज यादवको प्रमुख आतिथ्यमा गरिएका थियो ।
यो विषयमा आफ्नो प्रतिक्रिया दिनुहोस् !